قىزىلوردانىڭ جاس فۋتبولشىلارى ەۋروپادا ءتالىم الادى

قىزىلوردا. 12 تامىز. قىزىلوردادا ءبىر اي كولەمىندە فۋتبولدى دامىتۋدىڭ جول كارتاسى جاسالادى. بۇل تۋرالى وبلىس اكىمى قىرىمبەك كوشەرباەۆ «قايسار» فۋتبول كلۋبىمەن كەزدەسۋىندە ايتتى, دەپ حابارلادى egemen.kz ءتىلشىسى. جيىن باراسىندا ايماق باسشىسى ءتيىستى سالا باسشىلارىنا ءبىر اي كولەمىندە فۋتبولدى دامىتۋدىڭ جول كارتاسىن دايىنداۋدى تاپسىردى. وندا «قايساردىڭ» نامىسىن قورعايتىن بالالاردىڭ ەۋروپالىق فۋتبول اكادەميالارىندا ءتالىم الۋ ماسەلەسىن قاراستىرۋ قاجەتتىگىن ايتتى. ماماندار ەندى وسى باعىتتا جۇمىس جاسايدى. نەگىزىندە وڭىردە فۋتبولدى دامىتۋعا بايلانىستى 2020 جىلعا دەيىن جوسپارلانعان ارنايى باعدارلاما بار. وندا ستاديون سالۋ, ينفراقۇرىلىم ماسەلەلەرىن شەشۋ قارالعان بولسا, جول كارتاسىنىڭ ارتىقشىلىعى بالالار فۋتبولىنا ءمان بەرىلمەك. قىزىلوردانىڭ «قايسارىنا» جاڭا باپكەر كەلدى. ەندى سىر اياقدوپشىلارىن رەسەيلىك مامان فەدور ششەرباچەنكو جاتتىقتىراتىن بولادى. ول «كۋبان», «توم», «موسكۆا», «بالتيكا», «گۋبكين», «موردوۆيا», «روتور» سىندى كوماندالاردىڭ تىزگىنىن ۇستاعان. جاڭا باپكەر وزىنە ۇسىنىس ءبىلدىرىپ, شاقىرتۋ العانىنا ريزاشىلىعىن ءبىلدىردى. ەرجان بايتىلەس. دەرەك: egemen.kz. سۋرەت: baq.kz.