فوتو: اقوردا
«مەملەكەت باسشىسىنىڭ وكىمىمەن جەنەۆا قالاسىنداعى (شۆەيتساريا) بىرىككەن ۇلتتار ۇيىمىنىڭ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى ەرجان حوزە ۇلى قازىحانعا امەريكا قۇراما شتاتتارىمەن ىنتىماقتاستىقتىڭ وزەكتى ماسەلەلەرى بويىنشا كەلىسسوزدەر پروتسەسىندەگى قازاقستان رەسپۋبليكاسى پرەزيدەنتى وكىلىنىڭ مىندەتتەرى جۇكتەلدى», دەلىنگەن اقوردانىڭ ءباسپاسوز قىزمەتى تاراتقان حابارلامادا.
ەرجان قازىحان 1964 جىلعى 21 تامىزدا الماتى قالاسىندا دۇنيەگە كەلگەن. لەنينگراد مەملەكەتتىك ۋنيۆەرسيتەتىن بىتىرگەن. تاريح عىلىمدارىنىڭ كانديداتى.
ديپلوماتيالىق قىزمەتىن 1989 جىلى قازاقستان رەسپۋبليكاسى سىرتقى ىستەر مينيسترلىگىنىڭ پروتوكولدىق-ساياسي بولىمىندە ەكىنشى حاتشى قىزمەتىنەن باستاپ, كەيىن ءبىرىنشى حاتشى بولىپ جۇمىس ىستەگەن.
1992 جىلى قر ءسىم مەملەكەتتىك پروتوكول باسقارماسى باستىعىنىڭ ورىنباسارى, ءبولىم مەڭگەرۋشىسى بولىپ تاعايىندالدى.
1995 جىلى قازاقستان رەسپۋبليكاسىنىڭ بۇۇ جانىنداعى تۇراقتى وكىلدىگىنە (نيۋ-يورك قالاسى) ءبىرىنشى حاتشى رەتىندە جىبەرىلىپ, كەيىن كەڭەسشى لاۋازىمىنا دەيىن كوتەرىلدى.
1999-2003 جىلدارى قر ءسىم كوپجاقتى ىنتىماقتاستىق دەپارتامەنتىنىڭ ديرەكتورى قىزمەتىن اتقاردى.
2003-2007 جىلدارى نيۋ-يورك قالاسىندا قازاقستان رەسپۋبليكاسىنىڭ بۇۇ جانىنداعى تۇراقتى وكىلى, سونداي-اق قوسا اتقارۋ نەگىزىندە كۋبا رەسپۋبليكاسىنداعى قازاقستان ەلشىسى بولدى.
2007-2008 جىلدارى سىرتقى ىستەر ءمينيسترىنىڭ ورىنباسارى قىزمەتىن اتقاردى.
2008 جىلى قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.
2009-2011 جىلدارى قازاقستان رەسپۋبليكاسىنىڭ اۆسترياداعى ەلشىسى ءارى ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى بولدى.
2011 جىلى سىرتقى ىستەر ءمينيسترىنىڭ ورىنباسارى قىزمەتىن اتقاردى.
2011-2012 جىلدارى قازاقستان رەسپۋبليكاسىنىڭ سىرتقى ىستەر ءمينيسترى بولدى.
2012-2014 جىلدارى قازاقستان رەسپۋبليكاسى پرەزيدەنتىنىڭ كومەكشىسى قىزمەتىن اتقاردى.
2014-2017 جىلدارى ۇلىبريتانيا مەن سولتۇستىك يرلانديا بىرىككەن كورولدىگىندەگى قازاقستان رەسپۋبليكاسىنىڭ ەلشىسى, سونداي-اق قوسا اتقارۋ نەگىزىندە يرلانديا رەسپۋبليكاسى مەن يسلانديا رەسپۋبليكاسىنداعى ەلشى بولدى.
2017-2021 جىلدارى قازاقستان رەسپۋبليكاسىنىڭ امەريكا قۇراما شتاتتارىنداعى ەلشىسى قىزمەتىن اتقاردى.
2021-2022 جىلدارى قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى بولدى.
2022-2023 جىلدارى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى – پرەزيدەنتتىڭ حالىقارالىق ىنتىماقتاستىق جونىندەگى ارنايى وكىلى قىزمەتىن اتقاردى.
2023 جىلعى قىركۇيەكتەن باستاپ جەنەۆا قالاسىنداعى بۇۇ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى بولىپ تاعايىندالعانعا دەيىن پرەزيدەنتتىڭ حالىقارالىق ماسەلەلەر جونىندەگى كومەكشىسى قىزمەتىن اتقارعان.
ايتا كەتەيىك, ەرجان قازىحاننىڭ توتەنشە جانە وكىلەتتى ەلشى ديپلوماتيالىق دارەجەسى بار.
