فوتو: اشىق دەرەككوز
سوت ماتەريالدارىنا سايكەس, 2025 جىلدىڭ باسىندا اۋەجايدىڭ ەكونوميكالىق قاۋىپسىزدىك قىزمەتىنىڭ قىزمەتكەرى باقىتجان قۇرمانباەۆ تىركەۋ اگەنتى ۋميدا ابدۋحاليلوۆانىڭ جولاۋشىلاردان زاڭسىز سىياقى العانىن انىقتاعان. بۇزۋشىلىق بەينەلەنگەن بەينەجازبالار تارتىپتىك كوميسسيانىڭ قاراۋىنا جىبەرىلگەن.
اقمولا وبلىسىندا 7,3 ملن تەڭگەنىڭ جەرىن الاياقتىقپەن ساتقان ەكس-ديرەكتور سوتتالدى
23 ساۋىردە كوميسسيا ايەلگە قاتاڭ سوگىس جاريالاعان. وسىدان كەيىن قۇرمانباەۆ ارىپتەسىنە كوميسسيانىڭ شەشىمىنە ءوزى ىقپال ەتتىم دەپ ايتىپ, سول ارقىلى ونىڭ جۇمىستا قالۋىنا «كومەكتەستىم» دەگەن. سول «قىزمەتى» ءۇشىن ول 1 ملن تەڭگە تالاپ ەتكەن. كەلەسى كۇنى ابدۋحاليلوۆا اقشانى بەرگەن. بۇل ءسات بەينەجازباعا ءتۇسىپ, قۇرمانباەۆتى پوليتسيا قىزمەتكەرلەرى ۇستاعان.
سوت قۇرمانباەۆتىڭ كوميسسيا شەشىمىنە ناقتى ىقپال ەتۋ مۇمكىندىگى بولماعانىن انىقتادى. سوعان قاراماستان, ول قىزمەتتىك جاعدايىن جانە ارىپتەسىنىڭ سەنىمىن پايدالانىپ, اقشانى يەمدەنگەن. وسىعان بايلانىستى ول الاياقتىق جاساعانى ءۇشىن كىنالى دەپ تانىلىپ, ەكى جىلعا باس بوستاندىعىن شەكتەۋ جازاسىنا جانە ءۇش جىل بويى ىشكى قاۋىپسىزدىك سالاسىندا جۇمىس ىستەۋگە تىيىم سالىندى.
تۇركىستان وبلىسىندا باس دارىگەر مەمساتىپ الۋ ارقىلى الاياقتىق ارەكەتكە بارعان
سونىمەن بىرگە سوت امنيستيا تۋرالى زاڭدى قولداندى. سەبەبى كەلتىرىلگەن شىعىن تولىق وتەلگەن. وسىعان بايلانىستى سوتتالعان ادام نەگىزگى جازانى وتەۋدەن بوساتىلدى.
جابىرلەنۋشىنىڭ مورالدىق جانە قوسىمشا ماتەريالدىق شىعىندى ءوندىرىپ الۋ تۋرالى تالابى قاناعاتتاندىرىلمادى. الايدا سوت قۇرمانباەۆتى جابىرلەنۋشىنىڭ ادۆوكاتىنا كەتكەن 1 ملن تەڭگەنى جانە وتەماقى قورىنا 58 980 تەڭگە تولەۋگە مىندەتتەدى.
تۇركيا الاياقتىق بويىنشا ايىپتالعان كۇدىكتىنى قازاقستانعا قايتاردى
ۇكىمگە ءالى شاعىم ءتۇسۋى مۇمكىن.
