پەتروپاۆلدا 7 بالا گازعا تۇنشىعىپ قالا جازدادى

پەتروپاۆل. 24 اقپان. پەتروپاۆل قالاسى كوپاي شاعىناۋدانىنداعى جەكەمەنشىك ۇيلەردىڭ بىرىنەن گازعا تۇنشىعىپ قالا جازداعان 4 پەن 14 جاس ارالىعىنداعى 5 بالا قۇتقارىلدى. بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى. تەكسەرىس بارىسىندا ءورت سوندىرۋشىلەر پەشتىڭ ءتۇتىندى دۇرىس تارتپايتىنىن انىقتاعان. وتاناسى تاڭەرتەڭگىلىك مەزگىلدە وت جاعىپ, الدەبىر شارۋالارمەن شىعىپ كەتكەن. ۇيگە كەلگەندە بالالارىنىڭ باسى اۋىرىپ, السىزدەنىپ وتىرعانىن بايقاپ, جەدەل مەديتسينالىق كومەك شاقىرتقان. گازعا تۇنشىعا جازداعان ولار شۇعىل تۇردە اۋرۋحاناعا جەتكىزىلگەن. ءتورت بالا ۇيلەرىنە قايتارىلىپ, بىرەۋى قالدىرىلعان. سونداي-اق, پەتروپاۆل قالاسىنىڭ «سوۆحوزنايا» كوشەسىنەن 2011 جانە 2013 جىلى تۋعان ەكى ءبۇلدىرشىن گازبەن ۋلانىپ, اۋرۋحاناعا جەتكىزىلگەن. وعان ءۇيدى قىزىل جالىنعا وراعان ءورت سەبەپ بولعان. جىل باسىنان بەرى وڭىردە 109 ءورت وقيعاسى تىركەلىپ, 15 ميلليون تەڭگە شىعىن كەلگەن. 6 ادام قازا تاۋىپ, 7 ادام ءتۇرلى دەنە جاراقاتىن العان. ءومىر ەسقالي. دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى. سۋرەت: otyrar.kz.