ەڭ جوعارى ءوسىم شامامەن 43 پايىز كورسەتكىشپەن پاۆلودار قالاسىندا تىركەلگەن. ودان كەيىن پەتروپاۆل, اقتوبە جانە وسكەمەن قالالارى تۇر. ال باعا كورسەتكىشتەرى ەڭ از وزگەرگەن قوناەۆ پەن كوكشەتاۋ قالالارى.
مامانداردىڭ ايتۋىنشا, باعانىڭ كۇرت ءوسۋى تۇرعىن ءۇي ۇسىنىسى تاپشى وڭىرلەردە بايقالعان. مۇنداي ايماقتاردىڭ كوپشىلىگىندە جالدامالى تۇرعىن ءۇي نارىعى شاعىن, ال سۇرانىس كۇن سايىن ارتىپ كەلەدى. بۇعان اۋىلداردان قالالارعا كوشى-قون, سونداي-اق قازاقستان بويىنشا شەتەلدىك ستۋدەنتتەردىڭ كوپتەپ كەلۋى اسەر ەتىپ وتىر. وسىنداي جاعدايدا پاتەر يەلەرى جالعا بەرۋ اقىسىن كۇرت كوتەرىپ جىبەرەدى.
الماتى قالاسىنىڭ تۇرعىنى گۇلميرا الىمقۇلوۆا ەكى بولمەلى جالدامالى پاتەردە تۇرادى. جالعا الۋ اقىسىنا قوسا, ول بارلىق كوممۋنالدىق قىزمەتتەردى دە ءوزى تولەيدى. تۇرعىننىڭ ايتۋىنشا, جۋىردا پاتەر يەسى جالداۋ قۇنىن بىردەن 80 مىڭ تەڭگەگە كوتەرگەن.
«قىركۇيەكتە قوڭىراۋ شالىپ, بارلىق جەردە باعا وسكەنىن ايتتى: «وزدەرىڭىز دە كورىپ وتىرسىزدار, قازىر باعالار مۇلدە باسقا. باعانى كوتەرەيىك» دەدى. ول جالداۋ اقىسىن 250 مىڭ تەڭگەگە دەيىن كوتەرۋدى سۇرادى. بۇرىن 170 مىڭ ەدى. پاتەردىڭ اۋماعى شامامەن 42 شارشى مەتر. اس ءۇيى – بار بولعانى 6 شارشى مەتر, شاعىن. جوندەۋى دە ەسكىلەۋ. كوممۋنالدىق قىزمەتتەرگە ايىنا شامامەن 15-20 مىڭ تەڭگە كەتەدى. وعان قوسا ينتەرنەتكە تاعى 15 مىڭ تەڭگە تولەيمىز», دەيدى ول.
ورتا ەسەپپەن قازاقستاندا پاتەر يەلەرى ءبىر شارشى مەتر ءۇشىن 5 مىڭ تەڭگەدەن جوعارى اقى سۇرايدى. ەڭ قىمبات جالدامالى تۇرعىن ءۇي ءالى دە الماتى قالاسىندا. ودان كەيىن استانا, قاراعاندى, پەتروپاۆل جانە شىمكەنت قالالارى كەلەدى. ال ەڭ ارزان پاتەرلەردى تاراز بەن تۇركىستاندا جالعا الۋعا بولادى.
ەلىمىزدە تۇرعىن ءۇيدى جالعا الۋ باعاسى ءوستى. باسپانا قاي ايماقتا قىمباتقا تۇسەدى؟
ماماندار تۇرعىن ءۇيدى جالعا الۋدىڭ ەڭ ءتيىمدى ۋاقىتى – جازدىڭ باسى ەكەنىن ايتادى. ال كۇزگە قاراي, ادەتتە, ستۋدەنتتەردىڭ كوپتەپ كەلۋىنە بايلانىستى جالداۋ باعاسى قىمباتتايدى.
