قىزىلوردادا سورا وسىرگەن ءۇش ازامات ۇستالدى

قىزىلوردا. 12 تامىز. رەسپۋبليكا اۋماعىندا جۇرگىزىلىپ جاتقان «كوكنار» جەدەل-پروفيلاكتيكالىق شاراسى بارىسىندا قىزىلوردالىق پوليتسەيلەر ارال اۋدانى, جىڭىشكەقۇم ەلدى مەكەنىنەن شىعىسقا قاراي 45 شاقىرىم جەردە ەسىرتكى زاتىنا ۇقساس وسىمدىك ءوسىپ تۇرعان 5 القاپتى انىقتادى. بۇل تۋرالى egemen.kz ءتىلشىسى حابارلادى. ناتيجەسىندە 3704 ءتۇپ سورا وسىمدىگىن كۇتىپ-باپتاپ جاتقان جەرىنەن 57 جاستاعى, 45 جاستاعى جانە 32 جاستاعى ءۇش ازامات ۇستالدى. تەكسەرۋ بارىسىندا اتالعان وسىمدىكتىڭ جالپى سالماعى 3 توننا 333 كەلىنى قۇرايتىندىعى بەلگىلى بولدى. سونىمەن قاتار, سەزىكتىلەردىڭ جاتىن ورىندارىنا ءتىنتۋ جۇرگىزۋ كەزىندە, اتالعان اۋماقتا ورنالاسقان كۇركەدەن جالپى سالماعى 28 كەلىنى قۇرايتىن 77 ءتۇپ كەپتىرىلگەن سورا وسىمدىگى تابىلدى. قازىرگى تاڭدا, اتالعان ءۇش ازاماتتىڭ ۇستىنەن قىلمىستىق كودەكستىڭ 300-بابى, 1-بولىگى بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ امالدارى جۇرگىزىلۋدە. ءۇش ازامات تا ۋاقىتشا ۇستاۋ اباقتىسىنا قامالدى. ەرجان بايتىلەس. دەرەك: egemen.kz. سۋرەت: «قازاقپارات».