BilimClass – ەلەكتروندىق جۋرنالى مەكتەپتى باسقارۋ جۇيەسى, وقۋ كونتەنتى, ادىستەمەلىك تالداۋ جانە اناليتيكا قۇرالدارىن ۇسىنادى. اتا-انالار مەن وقۋشىلار BilimClass ءموبيلدى قوسىمشاسىن تەگىن پايدالانادى. قوسىمشا ساباق كەستەسى, ساباققا قاتىسۋ, وقۋ ۇلگەرىمى مەن ءۇي تاپسىرمالارى تۋرالى تولىق اقپارات بەرىلەدى. پەداگوگتەر ءۇشىن پلاتفورمادا كۇنتىزبەلىك-تاقىرىپتىق جوسپارلاۋ, قاشىقتان ساباق وتكىزۋ مۇمكىندىگى, ءوز ساباقتارىن جۇكتەۋ, ينتەراكتيۆتى تاپسىرمالار, بجب/تجب كاتالوگى, چات جانە وقۋشىلارمەن كەرى بايلانىس قۇرالدارى قولجەتىمدى.
پلاتفورماعا كوشۋ وقۋ ۇدەرىسىنە اسەر ەتپەۋى ءۇشىن ارنايى قىسقى دەمالىس كەزەڭىندە جۇرگىزىلدى. وسى ۋاقىتتا مۇعالىمدەر جۇيەمەن جۇمىس ىستەۋ بويىنشا ارنايى وقۋدان ءوتتى.
قازىرگى تاڭدا BilimClass جۇيەسىن ەلىمىزدىڭ 11 وڭىرىندەگى 2,5 ميلليون وقۋشى مەن 350 مىڭعا جۋىق مۇعالىم پايدالانىپ وتىر. اتاپ ايتقاندا, پلاتفورما الماتى, اقمولا, باتىس قازاقستان, قوستاناي, اقتوبە, ۇلىتاۋ, اباي, قىزىلوردا, جەتىسۋ, تۇركىستان جانە سولتۇستىك قازاقستان وبلىسىندا قولدانىستا. پلاتفورمانى ازىرلەۋشى – Bilim Group IT حولدينگى. مەكتەپتەرگە BilimClass پلاتفورماسىمەن قاتار, وسى Bilim Group كومپانياسىنىڭ باسقا دا ونىمدەرى (BilimLand, OnlineMektep, BilimKids, iTest, BilimUstaz, Kitap.kz جانە SmartNation) ۇسىنىلادى. ولاردىڭ قاتارىندا ۇبت-عا دايىندالۋعا كومەكتەسەتىن iTest ونلاين-ترەناجەرى, باستاۋىش سىنىپ وقۋشىلارىنا ارنالعان قازاق تىلىندەگى iMektep ۆيدەوساباقتار پلاتفورماسى, سونداي-اق تمد اۋماعىنداعى ەڭ ءىرى تسيفرلىق ءبىلىم بەرۋ كونتەنت قورى سانالاتىن BilimLand تە بار.
