فوتو: اشىق دەرەككوز
امەريكالىق The Wall Street Journal باسىلىمىنىڭ حابارلاۋىنشا, كەڭەسكە مەملەكەتتىك حاتشى ماركو رۋبيو, قورعانىس ءمينيسترى پيت حەگسەت جانە ارميا باسشىلىعى قاتىسادى. ولار پرەزيدەنتكە يرانداعى تارتىپسىزدىكتەرگە بايلانىستى بىرنەشە نۇسقا ۇسىنادى. ونىڭ ىشىندە اسكەري سوققى بەرۋ, كيبەرشابۋىل جاساۋ جانە جاڭا سانكتسيالار ەنگىزۋ دە بار.
سونداي-اق اقش يراندا ينتەرنەت وشىرىلگەن جاعدايدا, شەرۋشىلەردىڭ بايلانىسىن ساقتاۋ ءۇشىن Starlink سپۋتنيكتىك جۇيەسىن جىبەرۋ مۇمكىندىگىن دە قاراستىرىپ وتىر. قازىرگى ۋاقىتتا پەنتاگون يران شەكاراسىنا قوسىمشا اسكەر اكەلگەن جوق.
ترامپ ماسكتەن يرانداعى ينتەرنەت بايلانىسىن قالپىنا كەلتىرۋدى وتىنبەك
بۇعان دەيىن دونالد ترامپ اقش يرانداعى جاعدايعا بەيجاي قارامايتىنىن جانە قاجەت بولسا كۇش قولدانۋ مۇمكىندىگىن دە جوققا شىعارمايتىنىن ايتقان.
يرانداعى جاعداي جەلتوقسان ايىنىڭ سوڭىندا ۋشىعا ءتۇستى. 29 جەلتوقساندا تەگەراندا ۇلتتىق ۆاليۋتانىڭ كۇرت قۇنسىزدانۋىنا نارازى بولعان ساۋداگەرلەر كوشەگە شىقتى. كەلەسى كۇنى ولارعا ستۋدەنتتەر قوسىلدى. نارازىلىق ەلدىڭ ءىرى قالالارىنا تارادى.
8 قاڭتاردا جاعداي ەڭ اۋىر كەزەڭگە جەتتى. رەسمي دەرەك بويىنشا, سول كۇنى كەمىندە 13 بەيبىت تۇرعىن, ونىڭ ىشىندە ءۇش جاسار بالا قازا تاپتى. سونىمەن قاتار 38 پوليتسيا مەن اسكەري قىزمەتكەر مەرت بولعان. تەگەران بيلىگىنىڭ مالىمەتىنشە, ب ۇلىكشىلەر مەشىتتەردى, بانكتەردى, اۋرۋحانالار مەن مەملەكەتتىك عيماراتتاردى ورتەپ, ونداعان كولىكتى جويعان.
يران بيلىگى بۇل وقيعالارعا سىرتقى كۇشتەردى, سونىڭ ىشىندە اقش پەن ءيزرايلدى ايىپتاپ وتىر.
