فوتو: اشىق دەرەككوز
جاساندى ينتەللەكت جانە تسيفرلىق دامۋ مينيسترلىگىنىڭ دەرەگىنە سايكەس, وتاندىق IT-قىزمەتتەردىڭ ەكسپورتى شامامەن 1 ملرد اقش دوللارىنا جەتتى.
سوڭعى جىلدارى ءىرى تسيفرلىق جوبالار جۇزەگە اسىرىلىپ, سالانىڭ قۇقىقتىق نەگىزى قالىپتاستى. قازىر ەلدە «ALEM.AI» ۇلتتىق جاساندى ينتەللەكت ورتالىعى جۇمىس ىستەيدى.
2025 جىلى الماتى مەن استانادا قۋاتى شامامەن 7,5 مەگاۆاتت بولاتىن ەكى دەرەكتەردى وڭدەۋ ورتالىعى ىسكە قوسىلدى. الداعى ۋاقىتتا تاعى ءۇش داتا-ورتالىق اشۋ جوسپارلانىپ وتىر, ولاردىڭ جيىنتىق قۋاتى 13 مەگاۆاتتقا جۋىقتايدى. بۇل قازاقستاننىڭ تسيفرلىق ينفراقۇرىلىمىن نىعايتۋعا مۇمكىندىك بەرەدى.
ينتەرنەتكە قولجەتىمدىلىك تە كەڭەيىپ كەلەدى. قازىردىڭ وزىندە 2,5 مىڭنان استام اۋىل جوعارى جىلدامدىقتاعى ينتەرنەتكە قوسىلعان. بيىل تاعى ەكى مىڭعا جۋىق ەلدى مەكەن عالامتورعا قوسىلماق. بۇل اۋىل مەن قالا اراسىنداعى تسيفرلىق الشاقتىقتى ازايتىپ, ەلەكتروندى قىزمەتتەرگە تەڭ قولجەتىمدىلىكتى قامتاماسىز ەتۋگە باعىتتالعان.
ايتپاقشى, وتكەن ايدا پرەمەر-ءمينيستردىڭ ورىنباسارى, جاساندى ينتەللەكت جانە تسيفرلىق دامۋ ءمينيسترى جاسلان ماديەۆ ەلەكتروندى ۇكىمەت پورتالىنىڭ جاڭا نۇسقاسى دايىن ەكەنىن مالىمدەگەن بولاتىن.
سونىمەن قاتار مەملەكەتتىك كەڭەسشى ەرلان قارين eGov سەرۆيسىندە ازاماتتاردىڭ پارلامەنتتىك جۇيەنى جەتىلدىرۋ جونىندەگى ۇسىنىستارىن جيناۋ ۇيىمداستىرىلعانىن حابارلاعان.
