تاعى ءبىر اۋرۋحانانىڭ قىزمەتكەرى BBC-گە بەرگەن مالىمەتىندە حيرۋرگتەر قاتتى جەتىسپەيتىنىن جانە جارالانعاندار اعىنىن يگەرە الماي وتىرعانىن ايتقان. دەرەككوزدەر جاراقاتتاردىڭ باسىم بولىگى كوشەدەگى قاقتىعىستار كەزىندە الىنعانىن كورسەتەدى.
يرانداعى نارازىلىقتار: مەشىتتەر ورتەنىپ, قۇرباندار تۋرالى مالىمەت تارادى
جاعدايدىڭ ۋشىعۋى اياسىندا جۇما كۇنى كەشكە تەگەراندا جانىپ جاتقان كولىكتەر مەن نارازىلىق بىلدىرۋشىلەردىڭ جاپپاي جينالعانى تىركەلدى. Reuters اگەنتتىگى جاريالاعان كادرلاردا تۇنگى ۋاقىتتا بولعان تارتىپسىزدىكتەر كورىنىس تاپقان.
ۇكىمەتكە قارسى اكتسيالار ەلدىڭ ونداعان قالاسىندا وتكەن. قۇقىق قورعاۋ ۇيىمدارىنىڭ ەكەۋىنىڭ دەرەگىنشە, قازا تاپقان نارازىلىق بىلدىرۋشىلەر سانى كەمىندە 50 ادامعا جەتكەن. الايدا بۇل اقپاراتتى تاۋەلسىز تۇردە تەكسەرۋ وتە قيىن: بەيسەنبى كەشىنەن بەرى يراندا ينتەرنەت تولىق وشىرىلگەن, ال شەتەلدىك بۇقارالىق اقپارات قۇرالدارى ەل ىشىندە جۇمىس ىستەۋ مۇمكىندىگىنەن ايىرىلعان.
سوعان قاراماستان, BBC Starlink سپۋتنيكتىك ينتەرنەتى ارقىلى يراندىق دارىگەرلەردىڭ بىرىمەن بايلانىس ورناتا العان. ول جەدەل قىزمەتتەردىڭ شامادان تىس جۇكتەلگەنىن جانە ەلورداداعى مەديتسينالىق جۇيە مۇمكىندىگىنىڭ شەگىندە جۇمىس ىستەپ جاتقانىن راستاعان.
يراننىڭ تاق مۇراگەرى رەزا پەحلەۆي حالىقتى جاپپاي نارازىلىققا شىعۋعا شاقىردى
وسى ۋاقىتتا اقش پرەزيدەنتى دونالد ترامپ يراننىڭ «ۇلكەن قيىندىققا تاپ بولعانىن» ايتىپ, تەگەرانعا قاتاڭ ەسكەرتۋ جاسادى. بۇعان جاۋاپ رەتىندە يران بيلىگى نارازىلىقتار «جاۋلىق سيپاتتاعى ارانداتۋ ارەكەتتەرى مەن جاپپاي ۆانداليزمگە اينالدىرىلدى» دەپ, اقش-تى ايىپتادى. بۇل جونىندە بۇۇ قاۋىپسىزدىك كەڭەسىنە ءتيىستى حات جولدانعان.
ايتا كەتەيىك, بىرقاتار باق-تا يراننىڭ رۋحاني جەتەكشىسى ماسكەۋگە قاشۋدى جوسپارلاپ وتىرعانى جاريالاندى.
