فەدەراتسيا پرەزيدەنتى راقىمجان ەردەنبەكوۆتىڭ ايتۋىنشا, ۆ سىناماسىن اشۋ ءراسىمى اقش-تىڭ يۋتا شتاتىنداعى سولت-لەيك-سيتي قالاسىندا حالىقارالىق انتيدوپينگتىك رەگلامەنتتەرگە تولىق سايكەس وتكىزىلگەن.
– بۇگىن سولت-لەيك-سيتي قالاسىندا (يۋتا شتاتى, اقش) قولدانىستاعى حالىقارالىق انتيدوپينگتىك رەگلامەنتتەر اياسىندا جانە بارلىق پروتسەسسۋالدىق تالاپتاردى ساقتاي وتىرىپ, سپورتشى جانىبەك ءالىمحان ۇلىنىڭ ۆ سىناماسىن اشۋ ءراسىمى جۇرگىزىلدى. بۇل ءراسىم وبەكتيۆتى ءارى تاۋەلسىز تەكسەرىستىڭ نەگىزگى ەلەمەنتى سانالادى, – دەدى ر. ەردەنبەكوۆ.
ونىڭ ايتۋىنشا, سىنامانى اشۋ ءراسىمى سپورتشى كومانداسىنىڭ وكىلدەرى, بەيىندى ماماندار جانە بەلگىلەنگەن تارتىپپەن قاتىسۋعا رۇقسات ەتىلگەن بارلىق مۇددەلى تاراپتاردىڭ قاتىسۋىمەن وتكەن.
دوپينگ داۋىنان كەيىن ءالىمحان ۇلىنا قاتىستى شەشىم شىقتى
– بۇل ءوز كەزەگىندە قانداي دا ءبىر پروتسەسسۋالدىق زاڭبۇزۋشىلىقتىڭ بولۋ مۇمكىندىگىن تولىق جوققا شىعارىپ, بارىنشا اشىقتىقتى قامتاماسىز ەتەدى, – دەپ اتاپ ءوتتى فەدەراتسيا باسشىسى.
راقىمجان ەردەنبەكوۆتىڭ سوزىنشە, ءراسىم اياقتالعاننان كەيىن ۆ سىناماسى مورلەنىپ, ءتيىستى زەرتتەۋلەر جۇرگىزۋگە ۋاكىلەتتى حالىقارالىق اككرەديتتەلگەن زەرتحاناعا رەسمي تۇردە تاپسىرىلعان.
– تالداۋ بىرىڭعاي ستاندارتتارعا ساي, قانداي دا ءبىر ارالاسۋسىز نەمەسە سىرتقى ىقپالسىز جۇرگىزىلۋدە, – دەدى ول.
فەدەراتسيا پرەزيدەنتى قازىرگى كەزەڭدە قانداي دا ءبىر قورىتىندى جاساۋعا نەمەسە ايىپ تاعۋعا نەگىز جوق ەكەنىن ەرەكشە اتاپ ءوتتى.
جانىبەك ءالىمحان ۇلى Ring Magazine رەيتينگىنەن شىعىپ قالدى
– قازىرگى ۋاقىتتا قانداي دا ءبىر زاڭدىق نەمەسە فاكتىلىك قورىتىندى جاساۋعا, ايىپ تاعۋعا نەمەسە ينتەرپرەتاتسيا بەرۋگە نەگىز جوق. قازاقستاننىڭ كاسىپقوي بوكس فەدەراتسياسى سپورتشىنىڭ كىناسىزدىك پرەزۋمپتسياسىن جانە راسىمگە دەگەن قۇرمەتتى قاتاڭ ۇستانادى, – دەدى راقىمجان ەردەنبەكوۆ.
ول فەدەراتسيا ۇستانىمى وزگەرىسسىز ەكەنىن ايتتى. اتاپ ايتقاندا, فەدەراتسيا:
– تازا ءارى ادال سپورتتى قولدايدى;
– حالىقارالىق انتيدوپينگتىك تەتىكتەردى قۇرمەتتەيدى;
– رەسمي زەرتحانالىق قورىتىندى شىقپاي تۇرىپ, الىپقاشپا اقپاراتقا, قىسىمعا جانە اقپاراتتىق دۇربەلەڭگە جول بەرمەيدى.
– قوعامدىق قىزىعۋشىلىقتى تۇسىنەمىز, سوندىقتان جاعدايعا سابىرمەن, سالماقتى تۇردە جانە تەك قۇقىقتىق الاڭدا ارەكەت ەتۋدى دۇرىس دەپ سانايمىز. تەك رەسمي زەرتحانالىق تالداۋ ناتيجەلەرى عانا كەيىنگى شەشىمدەر مەن جاريا مالىمدەمەلەرگە نەگىز بولادى. جاعدايدىڭ دامۋى تۋرالى اقپارات بەلگىلەنگەن تارتىپپەن, ۋاقتىلى جانە راستالعان قۇجاتتار نەگىزىندە حابارلانادى, – دەلىنگەن قازاقستاننىڭ كاسىپقوي بوكس فەدەراتسياسىنىڭ مالىمدەمەسىندە.
ايتا كەتەيىك, بەلگىلى باپكەر جانىبەك ءالىمحان ۇلىنىڭ مانسابىنا قاتىستى پىكىر ءبىلدىردى
