اگەنتتىك ازاماتتاردى جالعان اقپاراتقا سەنبەۋگە, تەك رەسمي دەرەككوزدەرگە جۇگىنۋگە جانە ءارتۇرلى دەلدالداردىڭ كومەگىنە جۇگىنبەۋگە شاقىردى. سونىمەن قاتار زاڭنامادا جالعان اقپارات تاراتقاندارعا جاۋاپكەرشىلىك كوزدەلگەنى ەسكە سالىندى.
اگەنتتىكتىڭ مالىمەتىنشە, قازىرگى تاڭدا ەلدە قارىز الۋشىلاردىڭ بانكتەرمەن, ميكروقارجى ۇيىمدارىمەن (مقۇ) جانە كوللەكتورلىق اگەنتتىكتەرمەن ءوزارا ءىس-قيمىل جاساۋىنىڭ بىرىڭعاي زاڭدى تەتىگى قولدانىستا.
زەينەتاقى قارجىسىن الۋ ءۇشىن دارىگەرلەر جالعان قورىتىندىلار جاساعان
قارجىلىق قيىندىقتار تۋىنداعان جاعدايدا قارىز الۋشى مىندەتتەمەلەردى ورىنداۋ تالاپتارىن وزگەرتۋ تۋرالى جازباشا وتىنىشپەن ءوز كرەديتورىنا (بانك, مقۇ نەمەسە كوللەكتورلىق اگەنتتىك) جۇگىنۋگە قۇقىلى. وتىنىشكە قارجىلىق جاعدايدىڭ ناشارلاعانىن نەمەسە تولەمنىڭ كەشىكتىرىلۋ سەبەپتەرىن راستايتىن قۇجاتتار قوسا بەرىلۋى ءتيىس. قاجەتتى قۇجاتتاردىڭ تولىق تىزبەسى اگەنتتىكتىڭ رەسمي سايتىندا جاريالانعان.
ءوتىنىش كرەديتوردىڭ مەكەنجايى بويىنشا جەكە, سونداي-اق شارتتا كوزدەلسە, ءموبيلدى قوسىمشا نەمەسە ەلەكتروندىق پوشتا ارقىلى جولدانادى. كرەديتور جولدانىمدى 15 كۇنتىزبەلىك كۇن ىشىندە قاراپ, شەشىم قابىلداۋعا مىندەتتى.
ەگەر كرەديتوردىڭ قابىلداعان شەشىمى قارىز الۋشىنى قاناعاتتاندىرماسا, ول بانك نەمەسە ميكروقارجى ومبۋدسمانىنا جۇگىنۋگە قۇقىلى. بانكتەر بويىنشا وتىنىشتەر bank-ombudsman.kz, ال مقۇ قارىزدارى بويىنشا mfombudsman.kz سايتى ارقىلى قابىلدانادى. ومبۋدسمانداردىڭ قىزمەتى تەگىن, ال ولاردىڭ شەشىمدەرى ورىندالۋعا مىندەتتى.
سونىمەن قاتار اگەنتتىك جەكە تۇلعالاردىڭ بانكروتتىعى راسىمىنە دە توقتالدى. ەگەر قارىز الۋشىنىڭ بورىشتى وتەۋگە مۇمكىندىگى بولماسا, «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىق تۋرالى» زاڭعا سايكەس سوتتان تىس بانكروتتىق ءراسىمىن قولدانۋعا بولادى.
اقتاۋ تۇرعىنى الەۋمەتتىك جەلىدە ەت ساتاتىن جالعان پاراقشا اشىپ, پايدا تاپقان
بۇل ءراسىم مىناداي شارتتار ساقتالعان جاعدايدا بەرەشەكتى ەسەپتەن شىعارۋعا مۇمكىندىك بەرەدى:
– بورىش سوماسى 1600 اەك-تەن اسپاۋى;
– ساتۋعا بولاتىن م ۇلىكتىڭ بولماۋى (بىرلەسكەن مەنشىكتەگى ۇلەستى قوسا العاندا);
– 12 اي قاتارىنان تولەمدەردىڭ بولماۋى;
– سوڭعى 7 جىلدا بانكروتتىق راسىمىنەن وتپەۋى;
– قارىزدى قايتا قۇرىلىمداۋ جۇرگىزىلۋى.
مۇلكى نەمەسە مىندەتتەمەلەرى 1600 اەك-تەن اساتىن ازاماتتار تولەم قابىلەتتىلىگىن قالپىنا كەلتىرۋ نەمەسە سوت بانكروتتىعى ءراسىمىن قولدانۋ ءۇشىن سوتقا جۇگىنۋگە قۇقىلى.
بانكروتتىق ءراسىمى eGov.kz پورتالى نەمەسە حقكو ارقىلى تەگىن جۇرگىزىلەدى. الايدا ونىڭ سالدارى بار. اتاپ ايتقاندا, ءراسىم اياقتالعاننان كەيىن 5 جىل ىشىندە جاڭا كرەديتتەر مەن ميكروكرەديتتەر الۋعا تىيىم سالىنادى, 3 جىل بويى قارجىلىق جاعدايعا مونيتورينگ جۇرگىزىلەدى, ال قايتا بانكروتتىق تەك 7 جىلدان كەيىن مۇمكىن بولادى.
اگەنتتىك بەرەشەكتى رەتتەۋ نەمەسە بانكروتتىق ءراسىمىن باستاماس بۇرىن ونىڭ بارلىق قۇقىقتىق جانە قارجىلىق سالدارىن مۇقيات باعالاۋ قاجەت ەكەنىن اتاپ ءوتتى.
ايتا كەتەيىك, اقتوبەدە جالعان قۇجات جاساۋمەن اينالىسقان ايەل ۇستالدى.
