جيىندى اشا وتىرىپ, ۇكىمەت باسشىسى ورنىقتى ەكونوميكالىق ءوسۋدى قامتاماسىز ەتۋ جانە حالىقتىڭ ناقتى ءال-اۋقاتىن ارتتىرۋ باسىم مىندەت بولىپ قالا بەرەتىنىن اتاپ ءوتتى. ولجاس بەكتەنوۆ ساراپتاما مەن كەڭەستەر الۋ ءۇشىن جۇمىس تاسىلدەرىن جان-جاقتى تالقىلاۋ بويىنشا كەزدەسۋلەردىڭ ماڭىزدىلىعىنا توقتالدى.
كەزدەسۋ بارىسىندا ساراپشىلار قاۋىمداستىعىنىڭ وكىلدەرى ەكونوميكالىق ءوسۋدىڭ نەگىزگى ماسەلەلەرى مەن باعىتتارىنا ءوز باعاسىن بەردى. ساراپشىلار سونداي-اق جاھاندىق پروتسەستەر مەن الەمدىك كونيۋنكتۋرانىڭ ىقپالىن ەسكەرە وتىرىپ, ۇلتتىق ەكونوميكانىڭ دامۋ قارقىنى بويىنشا بولجامىن ايتتى. سالالىق جاڭعىرتۋدىڭ باسىمدىقتارى, نارىقتىڭ نەعۇرلىم وزەكتى سۇرانىستارى جانە ولارمەن تەحنولوگيالىق باستامالاردى ءوزارا بايلانىستىرۋ بويىنشا ۇسىنىستار ايتىلدى.
پرەزيدەنت مەملەكەتتىڭ قولداۋىن دۇرىس تۇسىنبەيتىن كاسىپكەرلەردى سىنعا الدى
ەۋرازيا ۇلتتىق ۋنيۆەرسيتەتىنىڭ ديرەكتورلار كەڭەسىنىڭ توراعاسى جاقسىبەك كۇلەكەەۆ, NAC Analytica باسقارما توراعاسى راسۋل رىسمامبەتوۆ, AERC قولدانبالى ەكونوميكا زەرتتەۋ ورتالىعىنىڭ باس ديرەكتورى جانىبەك ايعازين, Visor ينۆەستيتسيالىق كومپانياسىنىڭ باسقارۋشى سەرىكتەسى الماس چۋكين, زەرتتەۋ جانە كونسالتينگ ورتالىعىنىڭ سەرىكتەسى ءانۋار بورانباەۆ, CSI جەكە كونسالتينگتىك كومپانياسىنىڭ اعا سەرىكتەسى ولجاس قۇدايبەرگەنوۆ, «TALAP قولدانبالى زەرتتەۋلەر ورتالىعى» قوعامدىق قورىنىڭ ديرەكتورى اسقار قىسىقوۆ, «كوممەنتاري» تالداۋ توبىنىڭ جەتەكشىسى ەلدار شامسۋتدينوۆ پىكىرلەرى مەن ۇسىنىستارىن ايتىپ, ءسوز سويلەدى.
ينفلياتسياعا قارسى كۇرەس شارالارى, وتاندىق ءوندىرىستى ۇلعايتۋ, سالىقتىق اكىمشىلەندىرۋدى جەتىلدىرۋ, جي-ءدى دامىتۋ ءۇشىن ەلەكتر ەنەرگياسىن ءوندىرۋ, ينۆەستيتسيالار تارتۋ ماسەلەلەرى تالقىلاندى.
بيىل ۇكىمەت پەن اكىمدەر كوپ جۇمىس ىستەۋى كەرەك
سالىق رەفورماسىن تالقىلاۋ كەزىندە وتپەلى كەزەڭنىڭ ماڭىزدىلىعى اتاپ ءوتىلدى. ۇكىمەتتىڭ شەشىمىنە سايكەس ققس بويىنشا ەسەپكە قويۋ شەگىنەن اسقان سالىق تولەۋشىلەر اكىمشىلىك جاۋاپكەرشىلىككە تارتىلمايدى. سالىقتار بويىنشا ءوسىمپۇلدار مەن ايىپپۇلدار قارىزدىڭ نەگىزگى سوماسى 2026 جىلدىڭ 1 ساۋىرىنە دەيىن وتەلگەن جاعدايدا ەسەپتەن شىعارىلادى.
كەزدەسۋدى قورىتىندىلاي كەلە پرەمەر-مينيستر ۇكىمەت پەن ساراپشىلار قاۋىمداستىعى اراسىنداعى تۇراقتى ديالوگتىڭ ماڭىزدىلىعىن اتاپ ءوتىپ, جاۋاپتى مەملەكەتتىك ورگاندارعا ايتىلعان ۇسىنىستاردى پىسىقتاۋدى تاپسىردى.
بۇعان دەيىن حابارلانعانداي, ۇكىمەت عىلىم مەن جوعارى ءبىلىمدى دامىتۋدىڭ 2025 جىلعى قورىتىندىسىن شىعاردى.
