تىكەلەي سۇحباتتاستىقتىڭ پايداسى

سەناتور جاننا اسانوۆا الماتىدا قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسور-وقىتۋشىلار قۇ­را­مىمەن كەزدەستى. جيىن بارىسىندا ينكليۋزيۆتى ءبىلىم بەرۋ ورتاسىن دامىتۋ, وقۋ-اعارتۋ مەن الەۋمەتتىك قولداۋ سالاسىنداعى مەملەكەتتىك ساياساتتى جۇزەگە اسىرۋ, سونداي-اق ەرەكشە ءبىلىم بەرۋ قاجەتتىلىگى بار ادامدارمەن قوسا ازاماتتاردىڭ بارلىق ساناتىنا قولجەتىمدى ءارى تەڭ ورتانى قالىپتاستىرۋ ماسەلەلەرى تالقىلاندى.

سەنات دەپۋتاتتارى رۋسلان رۇستەموۆ پەن ناۋرىزباي باي­قاداموۆتىڭ قىزىلوردا وبلىسىنا جۇمىس ساپارىنىڭ باس­تى تاقىرىبى زاڭنامالىق شەشىم­دەردى جۇزەگە اسىرۋ ماسەلەلەرى, ولاردىڭ ادامداردىڭ ءومىرى مەن مەم­لەكەتتىك ينستيتۋتتاردىڭ جۇ­مىسىنا ناقتى اسەرى بولدى. پرە­زيدەنت قابىلداناتىن شەشىم­دەر مەن رەفورمالار ازا­مات­تاردىڭ ومىرىنە ناقتى ءارى اي­قىن اسەر ەتۋى كەرەكتىگىنە نازار اۋدار­عانى ءمالىم. وسىعان باي­لانىس­تى سەناتورلار سۋ قاۋىپ­سىز­دىگى­نەن باستاپ, دەنساۋلىق ساقتاۋ جانە الەۋمەتتىك ينفرا­قۇرىلىم­عا دەيىنگى نەگىزگى سالالاردا قابىل­دانعان زاڭداردىڭ قالاي ىسكە اسىرىلىپ جاتقانىن تالقىلادى.

سەناتور بيبىگۇل جەكسەن­باي­دىڭ «استانا باس جوسپارى» عىلىمي-زەرتتەۋ جوبالاۋ ينس­تيتۋتىنىڭ ۇجىمىمەن كەز­دە­سۋىنىڭ نەگىزگى تاقىرىبى – ەلور­دانىڭ قالا قۇرىلىسى ساياساتىن عىلىمي-ادىستەمەلىك تۇرعىدا سۇيەمەلدەي وتىرىپ, ونى ازاماتتار ءۇشىن جايلى, قاۋىپسىز ءارى ءومىر ءسۇرۋ ساپاسى جوعارى زاماناۋي استانا رەتىندە دامىتۋ ماسەلەلەرى بول­دى. ديالوگ بارىسىندا تال­قى­لانعان تاسىلدەر مەملەكەت باس­شى­سىنىڭ جۋىرداعى سۇحباتىن­داعى ازاماتتاردىڭ ءومىر ءسۇرۋ ساپاسىن ارتتىرۋعا جانە مەم­لەكەتتىك ساياساتتى ۇزاقمەرزىمدى ناتيجەگە باعىتتاۋعا باسا نازار اۋدارىلعان نەگىزگى ويلارىمەن تولىق سايكەس كەلەتىنى ايتىلدى.

كەزدەسۋدە ەلوردا اۋماعىن كەزەڭ-كەزەڭىمەن دامىتۋ ماسە­لەلەرى تالقىلاندى. اسىرەسە قالا­نىڭ ساۋلەتتىك كەلبەتىن ديزاين-كود تالاپتارىنا ساي قالىپ­­تاستىرۋعا, مادەني-دەما­لىس نىساندارى مەن تۇرعىن ءۇي سالۋعا, الەۋمەتتىك ينفراقۇ­رى­لىمدى دامىتۋعا, ەكولوگيالىق تەپە-تەڭدىكتى ساقتاۋعا جانە كولىك جۇيەسىن جاڭعىرتۋعا ايرىقشا نازار اۋدارىلدى.

دەپۋتات سەرىك شايداروۆتىڭ ۇلىتاۋ وبلىسىنىڭ جاڭاارقا اۋدانىنا جۇمىس ساپارى بارىسىندا وڭىرلەردى تۇراق­تى دامىتۋ, كاسىپكەرلىكتى قولداۋ جانە الەۋمەتتىك ينفرا­قۇرى­لىمنىڭ جاعدايى باستى نازارعا الىندى. مەملەكەت باسشىسى جۋىرداعى سۇحباتىندا وڭىرلەردى دامىتۋ تۇرعىنداردىڭ ناقتى سۇرانىستارىنا سۇيەنۋى كەرەك­تىگىنە, ال قابىلداناتىن شەشىم­دەر ءىس جۇزىندەگى الەۋمەت­تىك-ەكونوميكالىق ناتيجە بەرۋگە ءتيىس ەكەنىنە نازار اۋدارعانى بەلگىلى. وسىعان بايلانىستى جەرگى­لىكتى ءوزىن-ءوزى باسقارۋ ورگان­دارى­نىڭ وكىلدەرىمەن تىكەلەي ديالوگ ورناتۋدىڭ ماڭىزى زور ەكەنى ايتىلدى.

سەناتور اۋداندىق ءماسليحات دەپۋتاتتارىمەن جانە قوعامدىق كەڭەس مۇشەلەرىمەن كەزدەسۋ اياسىندا پارلامەنتتىڭ زاڭ شىعارۋ قىزمەتىنىڭ باسىمدىقتارى, قارا­لىپ جاتقان زاڭنامالىق باستا­مالار جانە اۋماقتاردىڭ تەڭ­گەرىم­دى دامۋىن قامتاماسىز ەتۋگە باعىت­تالعان مەملەكەتتىك ساياسات تەتىكتەرى تۋرالى اقپارات بەردى.

كەزدەسۋگە قاتىسۋشىلار اۋدان ءۇشىن وزەكتى الەۋمەتتىك-ەكونو­ميكالىق ماسەلەلەردى ايقىن­دادى. اتاپ ايتقاندا, كاسىپ­كەرلىكتى قولداۋ شارالارىن جەتىلدىرۋ, اگروونەركاسىپتىك كەشەندى دامىتۋ, ءبىلىم ساپاسىن ارتتىرۋ, سونداي-اق تۇرعىن ءۇي قۇرىلىسى مەن ينجەنەرلىك ينفراقۇرىلىمدى جاڭعىرتۋ بويىنشا ۇسىنىستار اڭگىمە ارقاۋىنا اينالدى.

كەيىنگى كۇندەرى سەنات دەپۋتاتتارى وزگە دە وڭىرلەرگە ات باسىن بۇرىپ, جەرگىلىكتى جاعداي­مەن تانىسىپ جاتىر. اتاپ ايتقاندا, نۇرلان بەكنازاروۆ پەن ايگۇل قاپباروۆا شىمكەنت قالاسىندا, مارات قوجاەۆ ەكىباستۇز قالاسىندا, شاكارىم بۇقتۇعۇتوۆ شىعىس قازاقستان وبلىسىندا, سۇيىندىك الداشەۆ پەن بەكبول ورىنباساروۆ ماڭعىستاۋ وبلىسىنداعى تۇپقاراعان مەن مۇنايلى اۋداندارىندا, جانبولات جورگەنباەۆ پەن زاكىرجان كۋزيەۆ الماتى وبلىسىندا, نۇرتورە ءجۇسىپ الماتى قالاسىندا, قايرات تاستەكەەۆ پەن اينۇر ارعىنبەكوۆا اباي وبلىسىندا, ت.ب. ايماقتاردا ءتۇرلى وندىرىستىك ورىندار مەن مەم­لەكەتتىك, قوعامدىق مەكەمەلەردىڭ ۇجىمدارىمەن جۇزدەسىپ, كۇن تارتىبىندەگى ماسەلەلەر جايىندا پىكىر الماسىپ, ولاردى شەشۋ جولدارىن تالقىعا سالدى.