دەپۋتاتتار ءوندىرىس اۋماعىن ارالاپ, ەڭبەك جاعدايىن كوردى. كاسىپورىننىڭ ونەركاسىپتىك الەۋەتىنە نازار اۋداردى. جاڭا جوبا ءوڭىر ءۇشىن ماڭىزدى ەكەنى بىردەن بايقالدى.
20 جەلتوقساندا ىسكە قوسىلعان Eco Glade سەرىكتەستىگى جىلىنا 2 400 تونناعا دەيىن agaricus تەكتەس ساڭىراۋقۇلاق وندىرۋگە باعىتتالعان. سونىمەن قاتار مۇندا 4000 توننا كومپوست, ياعني شىمتەزەك شىعارۋ جوسپارلانعان. قازىرگى تاڭدا كاسىپورىندا 65 ادام تۇراقتى جۇمىسپەن قامتىلىپ وتىر.
ءماجىلىس دەپۋتاتتارى بۇل ءوندىرىس ءوڭىردىڭ قايتا وڭدەۋ سەكتورىن دامىتۋعا ناقتى ۇلەس قوساتىنىن اتاپ ءوتتى. جوبا ازىق ت ۇلىك قاۋىپسىزدىگىن نىعايتۋعا دا باعىتتالعان. كاسىپورىن ارنايى ەكونوميكالىق ايماقتىڭ جەڭىلدىكتەرىن پايدالانا وتىرىپ ىسكە اسىرىلعان. بۇل ءوندىرىستى جىلدام جولعا قويۋعا جانە ينۆەستيتسيالىق شىعىندى ازايتۋعا مۇمكىندىك بەرگەن.
دميتري كولودا جوباعا قاتىستى ءوز پىكىرىن اشىق جەتكىزدى. «مۇنداي جوبالار مەملەكەتتىڭ قولداۋى بيزنەستىڭ مۋلتيپليكاتيۆتى اسەر بەرە الاتىنىن ناقتى كورسەتىپ وتىر. مۇندا قوماقتى ينۆەستيتسيا بار. زاماناۋي تەحنولوگيا قولدانىلىپ وتىر. جاڭا جۇمىس ورىندارى اشىلدى. ءوڭىردىڭ ونەركاسىپتىك ينفراقۇرىلىمى دامىپ كەلەدى. وتاندىق بيزنەستى قولداۋ مەن قايتا وڭدەۋگە ينۆەستيتسيا تارتۋ ارقىلى مەملەكەت باسشىسى ايتقان تۇراقتى ەكونوميكا بىرتىندەپ قالىپتاسىپ جاتىر», دەدى ول.
دەپۋتاتتىڭ ايتۋىنشا, وسىنداي وندىرىستەردى ىسكە قوسۋ سولتۇستىك قازاقستان وبلىسىنىڭ الەۋەتىن ايقىن كورسەتەدى. ءوڭىر قوسىلعان قۇنى جوعارى جوبالاردى جۇزەگە اسىرۋعا قابىلەتتى الاڭعا اينالىپ كەلەدى.
جۇمىس ساپارى بارىسىندا ماجىلىسمەندەر كاسىپورىن قىزمەتكەرلەرىمەن دە كەزدەستى. ولار وڭىرلەردىڭ دەربەستىگىن كۇشەيتۋگە باعىتتالعان جاڭا بيۋدجەت جانە سالىق كودەكستەرى اياسىنداعى زاڭنامالىق نورمالار تۋرالى ءتۇسىندىردى. قابىلدانعان وزگەرىستەردىڭ ءمانى مەن ماقساتى ايتىلدى.
ايتا كەتەيىك, 5 قاڭتار مەن 13 قاڭتار ارالىعىندا ماجىلىستەگى «AMANAT», اۋىل, اق جول, جسدپ, قحپ جانە Respublica پارتيالارىنىڭ فراكتسيا دەپۋتاتتارى وڭىرلەردى ارالاپ ءجۇر. بۇل ساپارلار بارىسىندا دەپۋتاتتار حالىقتى قابىلدانعان زاڭدارمەن تانىستىرادى. زاڭداردىڭ جەرگىلىكتى جەردە قالاي ىسكە اسىپ جاتقانىن زەردەلەيدى. سونىمەن قاتار تۇرعىنداردى تولعاندىراتىن وزەكتى ماسەلەلەردى تىڭداپ, ۇسىنىستاردى جيناقتايدى.
