فوتو: beta.egov.kz
ۆيكتوريانىڭ ايتۋىنشا, بۇل يدەيا قالالىق ستاديون اۋماعىنداعى عيمارات قابىرعاسىن تاپسىرىسپەن بوياپ جۇرگەندە كەلگەن.
«سول ساتتە «نەگە ءبىزدىڭ مادەنيەت ءۇيىمىزدى توقاش تۇرىندە جاساپ كورمەسكە؟» دەپ ويلادىم. بالالار بۇل ويدى بىردەن قولداپ, قۋانا-قۋانا ءپىسىرىپ, بىرگە جينادىق. ەسكيزدى ءوزىم جاساعانىممەن, بولشەكتەرىن قامىردان قولمەن قيىپ شىقتىم. قۇراستىرۋ وڭاي بولدى. ادەتتە بىردەڭە قۇلاپ نەمەسە ۇستاماي قالاتىن, ال بۇل جولى ءبارى بىردەن شىقتى. تەك شاتىرى ءسال سىرعىپ كەتتى, ونى گلازۋرمەن تەز بەكىتتىك», دەدى ۆيكتوريا.
اسپاز ءارى سۋرەتشى رەتىندە ءتاتتى توقاش ءپىسىرۋدىڭ باستى قۇپياسى جاقسى كۇيدىرىلگەن قانت دايىنداۋ ەكەنىن ايتتى.
توقاش ءۇي ءپىسىرۋ مەن قۇراستىرۋ بارىسىن ۆيكتوريا ۇنەمى ۆيدەوعا تۇسىرەدى. بۇل جازبالار وتباسىنىڭ جەكە مۇراعاتىندا ساقتالىپ, بالالارىمەن بىرگە قايتا-قايتا قارالادى. بيىل دا ءداستۇر وزگەرگەن جوق.
«ۆيدەونى ءوز پاراقشاما جاريالادىم, كەيىن قۇربىم قالالىق پابليكتى بەلگىلەپ كورۋگە كەڭەس بەردى. ولارعا ۆيدەو قاتتى ۇنادى, بىرلەسىپ جاريالاۋدى ۇسىندى. كەيىن باسقا پابليكتەر, ونىڭ ىشىندە قاراعاندىلىق پاراقشالار دا بەينەنى بولىسۋگە رۇقسات سۇرادى. كوبىنە جىلى پىكىرلەر جازىلادى, ولاردى وقىپ, قۋانامىز», دەدى ۆيكتوريا.
قالالىق مادەنيەت ءۇيى بەينەسىندەگى توقاش ءۇيدى قۇراستىرۋ ۆيدەوسى وتباسى مۇراعاتىنىڭ ءبىر بولشەگى عانا ەمەس, سونىمەن قاتار جىلى ءارى ەستە قالارلىق جاڭا جىلدىق وقيعاعا اينالدى.
