فوتو: sport-wiki.org
باستى ستارتقا دايىندىق باستالعان
شورت-ترەكتەن قازاقستاننىڭ ۇلتتىق قۇراماسى دايىندىقتى تولىق قارقىندا جۇرگىزىپ جاتىر. سپورتشىلار ءۇشىن قازىر ءاربىر دەتال ماڭىزدى: فورما, دەنساۋلىق جانە تۇراقتى ناتيجەلەر. سەبەبى يتاليادا ولار تۇتاس ەلدىڭ نامىسىن قورعايدى.
ناتيجەنى سەكۋندتار انىقتايدى
شورت-ترەك – ەڭ ديناميكالىق جانە بولجاپ بولمايتىن سپورت تۇرلەرىنىڭ ءبىرى, جارىستىڭ ناتيجەسى سوڭعى سەكۋندتاردا انىقتالادى. سوندىقتان جارىس شيەلەنىستى جانە قىزىقتى وتەدى.
وتاندىق سپورتشىلاردا 9 ليتسەنزيا
شورت-ترەكتەن قازاقستاننىڭ ۇلتتىق قۇراماسى وليمپياداعا قاتىسۋعا 9 ليتسەنزيا جەڭىپ الدى. قۇرامدى باپكەرلىك شتاب انىقتادى. ەلىمىزدىڭ اتىنان جارىس الاڭىنا شىعاتىن ويىنشىلار دەنيس نيكيشا, ابزال اجىعاليەۆ, ولگا تيحونوۆا جانە يانا حان. بارلىق سپورتشىلاردىڭ وليمپيادا ويىندارىندا تاجىريبەسى بار.
كوماندا كاپيتانى, الەم چەمپيوناتتارىنىڭ ەكى دۇركىن كۇمىس جۇلدەگەرى دەنيس نيكيشا. ول ءۇشىن الداعى وليمپيادا مانسابىنداعى ءتورتىنشى ويىن.
دەنيس نيكيشا مەن ابزال اجىعاليەۆتىڭ ەكەۋىنىڭ قاشىقتىعى بىردەي, ەڭسەرۋگە ءتيىستى قاشىقتىعى – 500 مەتر.
شورت-ترەكتەن ەكى التىن مەدال جەڭىپ الدىق
ءار سپورتشىدا جەكە قاشىقتىق
وتاندىق شورت-ترەكشىلەر 5 جەكە قاشىقتىقتا جانە ارالاس كوماندالىق ەستافەتادا مەدال ءۇشىن باق سىنايدى. پەكيندەگى وتكەن وليمپيادادا كوماندا 2000 مەترلىك ارالاس ەستافەتادا ۇزدىك بەستىكتىڭ قاتارىندا بولدى. بيىل سپورتشىلار بارلىق قاشىقتىقتا ەڭ مىقتى قارسىلاستارمەن جارىسۋعا دايىن.
قازاقستان شورت-ترەك ۇلتتىق كومانداسىنىڭ باس باپكەرى پيوتر گاميدوۆتىڭ ايتۋىنشا, دايىندىق كەزىندە ءار سپورتشىنىڭ جەكە قاشىقتىعىنا نازار اۋدارىلىپ وتىر. اركىم ءوز جوسپارى بويىنشا ازىرلەنەدى. كۇشتى جاقتارى دامىتىلىپ, ءالسىز تۇستارى جەتىلدىرىلىپ جاتىر.
24.kz-ءتىڭ حابارلاۋىنشا, ساراپشىلار قازاقستان ۇلتتىق كومانداسىنىڭ باپكەرلىك شتابىنىڭ, ونىڭ ىشىندە كەڭەسشى باپكەر, سەرۆيس جانە مەديتسينالىق توپتاردىڭ جوعارى دەڭگەيدە جۇمىس ىستەيتىنىن اتاپ ءوتتى. استاناداعى دايىندىقتان كەيىن كوماندا نيدەرلاندىعا وقۋ-جاتتىعۋ جيىنىنا, سودان كەيىن تىكەلەي يتالياعا اتتانادى.
قىسقى وليمپيادا ويىندارى 6 اقپاندا ميلان مەن كورتينا-د’امپەتستسو قالالارىندا باستالادى.
قىسقى وليمپيادا ويىندارى قىر استىندا: قورجىندا قانشا ليتسەنزيا بار؟
