فوتو: اۋىل شارۋاشىلىعى مينيسترلىگى
ال ەكسپورتقا 11 ملن توننا استىق جونەلتىلگەن.
ىشكى تاسىمالدار 26%-عا ارتىپ, 3,3 ملن توننادان استى. ورتالىق ازيا ەلدەرى باعىتىندا دا تاسىمالداۋ كولەمى 30%-عا ارتقان. ماسەلەن, قىرعىزستانعا استىق تاسىمالداۋ – 2 ەسەگە, تاجىكستانعا – 12%-عا, وزبەكستانعا – 32%-عا ارتقان. اتالعان ەلدەرگە 1,4 ميلليون توننادان 6,3 ملن تونناعا دەيىن استىق جەتكىزىلگەن.
ازەربايجانعا استىق تاسىمالداۋ 3 ەسەگە, يرانعا تيەۋ – 69%-عا, اۋعانستانعا تيەۋ – 63%-عا ۇلعايدى. بالتىق ەلدەرىنە تاسىمالداۋ كولەمى دە 6 ەسەگە ءوسىپ, 800 مىڭ توننادان استى.
ۇكىمەت استىق ەكسپورتىن قولداۋعا قوسىمشا 7 ملرد تەڭگە ءبولدى
«2025–2026 ماركەتينگتىك جىلى (2025 جىلعى قىركۇيەكتەن جەلتوقسانعا دەيىن) استىق تاسىمالداۋ كولەمى 6 ملن تونناعا (+19%) جەتتى, ونىڭ ىشىندە ەكسپورت 4,7 ملن توننانى (+18%) قۇرادى. ورتالىق ازيا ەلدەرىنە تاسىمالداۋ – 27%-عا, ياعني 2,8 ملن تونناعا دەيىن, اۋعانستانعا – 71%-عا, بالتىق ەلدەرىنە – 2 ەسەگە, قارا تەڭىز پورتتارىنا – 47%-عا, بالتىق پورتتارىنا – 6 ەسەگە ءوستى. وزبەكستانعا استىق تاسىمالداۋ – 41%-عا ارتىپ, 2 ملن توننادان استى. 2025 جىلدىڭ جەلتوقسانىندا تەمىرجول كولىگىمەن استىق تاسىمالداۋ كولەمى 1,6 ملن توننانى قۇرادى. بۇل 2024 جىلدىڭ جەلتوقسانىنداعى كورسەتكىشتەن – 14%-عا جوعارى جانە رەكوردتىق ايلىق كورسەتكىش. ەكسپورت – 16%-عا, ياعني 1,3 ملن تونناعا دەيىن ۇلعايدى, ىشكى تاسىمالدار 300 مىڭ توننادان استى. بۇل وتكەن جىلعى دەڭگەيدەن 10%-عا ارتىق», دەلىنگەن «قازاقستان تەمىر جولى» كومپانياسى تاراتقان حابارلامادا.
قىتاي باعىتىندا استىق جۇكتەرىنىڭ ەكسپورتى 4,2 ملن توننادان استى. بۇل رەتتە شيكىزات استىعىن تاسىمالداۋ كولەمى 0,8 ملن توننانى قۇرادى.
ايتا كەتەيىك, ەندى تاۋارىن تەمىرجول ارقىلى تاسىعان كاسىپكەرلەردىڭ شىعىنى وتەلەدى.
