فوتو: kz.kursiv.media
مينيسترلىك مالىمەتىنشە نىساندى قايتا جاڭعىرتۋ جۇمىستارى توقتاماعان.
«قازىرگى ۋاقىتتا جوبا جاڭا قارجى جىلىنىڭ باستالۋىن كۇتىپ وتىر, سودان كەيىن بەلگىلەنگەن تارتىپكە سايكەس جۇمىستاردى جالعاستىرۋ ءۇشىن قاجەتتى قاراجات بولىنەدى. نىسانداعى جوندەۋ جۇمىستارى ۋاكىلەتتى مەملەكەتتىك ورگانداردىڭ تۇراقتى باقىلاۋىندا. م.اۋەزوۆ اتىنداعى تەاتردى قايتا جاڭعىرتۋ ونىڭ تاريحي جانە مادەني قۇندىلىعىن ساقتاۋعا قويىلاتىن بارلىق تالاپتاردى ساقتاي وتىرىپ, تولىق اياقتالاتىن بولادى», دەلىنگەن مينيسترلىك تاراتقان حابارلامادا.
جالپى ەلىمىزدە وڭىرلەردەگى مادەني نىسانداردى جاڭعىرتۋ جۇمىستارى قولعا الىنعان. 2025 جىلدىڭ جەلتوقسان ايىندا سالالىق مينيسترلىك استاناداعى قۋىرشاق تەاترىنا جاڭا عيمارات سالۋ باستاماسى كوتەرىلگەنىن جاريالاعان. سونداي-اق ەلورداداعى «جاستار» تەاترى عيماراتىن جوندەۋ جوسپارلانعان.
ايتا كەتەيىك, جەتىسۋ وبلىسىنىڭ مادەني ومىرىندە تاريحي وقيعا بولىپ, كوپتەن كۇتكەن بيكەن ريموۆا اتىنداعى تالدىقورعان دراما تەاترىنا اكادەميالىق مارتەبە بەرىلدى.
