تامىزدا الما اعاشى گۇلدەدى

الماتىنىڭ «تاۋگۇل» شاعىن اۋدانىندا تۇراتىن پانساتبەك قاجى رايىمبەك اقساقالدىڭ باقشاسىندا الما گۇلدەدى... كوكتەمدە گۇل اشقان جازدىق الما جەمىسىن سالىپ, ونى اۋلەت ادامدارى جەپ تاۋىسقان ساتتە الما اعاشىنىڭ قايتادان گۇلدەگەنى, ءتىپتى, كوپشىلىك ءۇشىن كۇتپەگەن وقيعا بولدى. – مۇنداي باقشاداعى قۇبىلىستى ءوز باسىم ءبىرىنشى رەت كەزدەستىرىپ وتىرعانىم جوق, – دەيدى 83 جاستاعى قارت. – ىلگەرىرەكتە, بۇدان 10-15 جىل بۇرىن دا ءبىر الما اعاشى ءبىر جىلدا ەكى رەت گۇلدەگەنى بار. بىراق, جەمىس بەرمەگەن ەدى. الماتىدا كۇننىڭ قىزۋى شىلدەنىڭ باسىنداعىداي ءالى دە قايتار ەمەس. وقتا-تەكتە قۇيىنداتىپ مەزگىلسىز جەل سوققانى بولماسا, قالانىڭ باياعى...جاۋىپ, باسىلىپ تۇراتىن  اق جاۋىنى جوق. جەرگە تامشى تۇسپەگەلى دە ايعا جۋىقتاپ قالدى. كۇننىڭ ەرەكشە ىستىعى قاريانىڭ باۋ-باقشاسىنا وسىنداي ءبىر قىزىق قۇبىلىس سىيلادى. توبەسىنەن ىستىق, تابانىنان سۋ كەتپەگەن الما اعاشى وسىلايشا قايتالاي ءبۇر جارعان سەكىلدى. – جازدىڭ سوڭعى ايىنىڭ العاشقى ونكۇندىگىندە قايتا گۇلدەگەن جەمىس اعاشى كۇزدىك تۇقىمدارىمەن قاتارلاسىپ جەمىس تە بەرىپ قالۋى مۇمكىن, – دەيدى اقساقال. راسىندا دا, بۇگىندە اۋا رايى دا, تابيعات تا وقىستان قۇبىلىپ قوياتىندى شىعاردى. سوندىقتان دا ادامدار ءۇشىن ەشنارسە دە تاڭسىق بولماي بارادى. ونىڭ بىردەن-ءبىر كۋاسى پانساتبەك اتانىڭ باقشاسىنداعى الما اعاشتىڭ ءبىر جازدا ەكىنشى قايتارا  گۇلدەگەنى... تالعات ءسۇيىنباي, «ەگەمەن قازاقستان». الماتى. سۋرەتتە: زەينەتكەر پانساتبەك قاريا باقشاسىندا.