ارمان ءاشىمحان ۇلى «اقتوبە» فۋتبول كلۋبىن ەۋروپالىق دەڭگەيگە شىعارۋدى جوسپارلاپ وتىرعانىن, كلۋبقا ۇزاقمەرزىمدىك باسقارۋعا كەلگەنىن جانە الداعى ويىنداردىڭ ناتيجەلەرىنە تولىق جاۋاپكەرشىلىك الاتىنىن جەتكىزدى.
ازىرگە بەلگىلىسى, كلۋب باسشىلىعى 2030 جىلعا دەيىنگى ستراتەگيالىق جوسپارىن ازىرلەگەن. بيىلعى جىلدىڭ وزىندە قازاقستان پرەمەر-ليگاسىنىڭ العاشقى ۇشتىگىنە ءىلىنىپ, قازاقستان كۋبوگىن جەڭىپ الۋعا تىرىساتىندارىن, كەلەسى جىلى ەۋروكۋبوكتاردىڭ نەگىزگى كەزەڭىنە قاتىسۋ جوسپارى بارىن ءمالىم ەتتى.
«اتىراۋ» فۋتبول كلۋبىنان ءبىر مەزەتتە 12 ويىنشى كەتەتىن بولدى
«Qazaq Story Properties» كومپانياسى فۋتبولشىلاردى ەۋروپالىق دەڭگەيدەگى جاتتىعۋعا قاتىستىرىپ, سپورتشىلاردىڭ دەنساۋلىعىن تەكسەرەتىن مەديتسينالىق مەكەمە سالىپ, وڭالتۋ ورتالىعىن اشۋدى جوسپارلاپ وتىر. جاڭا باسقارۋشى تۇپكى ماقسات باسەكەگە قابىلەتتى, بيۋدجەتى اشىق جانە ءتيىمدى باسقارىلاتىن فۋتبول كلۋبىن قالىپتاستىرۋ ەكەندىگىن اتاپ ءوتتى.
ەسكە سالايىق, بۇعان دەيىن «توبىل» فۋتبول كلۋبىنىڭ اتاۋى تولىق قازاقشالانعانىن جازعان ەدىك.
