فوتو: اشىق دەرەككوز
سالىستىرۋ ءۇشىن ايتا كەتەيىك, 2024 جىلى مۇگەدەكتىگى بار ادامدارعا ينۆاتاكسي قىزمەتى 207,2 مىڭ رەت كورسەتىلگەن.
بۇعان دەيىن ينۆاتاكسي الۋ ءۇشىن ازاماتتار ساپاردان ءبىر كۇن بۇرىن تەلەفون ارقىلى جازىلىپ, كولىكتى ۇزاق كۇتۋگە ءماجبۇر بولاتىن. كولىك تاپشىلىعى مەن قىزمەت كورسەتۋ ساپاسىنا قاتىستى شاعىمدار دا ءجيى ايتىلاتىن. وسى ولقىلىقتاردى جويۋ ماقساتىندا مينيسترلىك اكىمدىكتەرمەن بىرلەسىپ, قىزمەت كورسەتۋ تەتىگىن جاڭارتۋ جونىندە شەشىم قابىلدادى.
ناتيجەسىندە سۇرانىس تۇسكەن ساتتە قىزمەت كورسەتە الاتىن تاكسي اگرەگاتورلارىن تارتۋ جونىندە قاناتقاقتى جوبا ىسكە قوسىلدى. جوبانىڭ باستى شارتى – ساپار قۇنىنان اگرەگاتور پايداسىنا كوميسسيا ۇستاماۋ. بۇل باستاماعا ياندەكس كومپانياسى وتەۋسىز نەگىزدە قاتىسۋعا نيەت ءبىلدىردى.
قاناتقاقتى جوبا اياسىندا ازاماتتار ياندەكس Go ءموبيلدى قوسىمشاسى ارقىلى ينۆاتاكسي قىزمەتىنە تاپسىرىس بەرە الادى. قوسىمشا كولىكتى جىلدام تاڭداۋعا, تاپسىرىس مارتەبەسىن ونلاين باقىلاۋعا جانە ساپارلار بويىنشا مونيتورينگ جۇرگىزۋگە مۇمكىندىك بەرەدى. سونىمەن قاتار ەرەكشە قاجەتتىلىكتەرى بار جاندار جۇرگىزۋشىگە ساپار بارىسىندا قاجەت بولاتىن كومەكتى الدىن الا كورسەتۋى ءۇشىن ارنايى فۋنكتسيا ەنگىزىلگەن. ال جۇرگىزۋشىلەرگە جولاۋشىنى وتىرعىزۋ جانە ءتۇسىرۋ كەزىندە قالاي كومەك كورسەتۋ كەرەكتىگى جونىندە نۇسقاۋلىق بەرىلەدى.
قازىرگى تاڭدا جوبا استانا مەن الماتىدا مۇگەدەكتىگى بار ازاماتتاردان قۇرالعان فوكۋس-توپتاردىڭ قاتىسۋىمەن پيلوتتىق رەجيمدە جالعاسىپ جاتىر. الداعى ۋاقىتتا ينۆاتاكسي قىزمەتىنىڭ وسى جاڭا فورماتىن ەلىمىزدىڭ باسقا وڭىرلەرىنە كەڭەيتۋ جوسپارلانىپ وتىر.
