فوتو: دەنساۋلىق ساقتاۋ مينيسترلىگىنىڭ ءباسپاسوز قىزمەتى
ەڭ قىمبات جوعارى تەحنولوگيالىق وتا كومەكشى جۇرەك جۇيەسىن يمپلانتاتتاۋ بولعان, ونىڭ قۇنى 79 ملن تەڭگەنى قۇرايدى.
2025 جىلدىڭ 11 ايىندا مۇنداي جۇيەلەر 59 پاتسيەنتكە ورناتىلدى, ولاردىڭ كوبى ءۇشىن وتا ءومىر ءسۇرۋدىڭ جالعىز مۇمكىندىگى بولدى.
قۇنى بويىنشا ەكىنشى ورىندا – اللوگەندى گەموپوەتيكالىق ءدىڭ جاسۋشالارىن ترانسپلانتاتتاۋ: ءبىر جاعدايدا 17,4 ملن تەڭگە, بارلىعى 117 وتا ورىندالعان.
82 جوعارى تەحنولوگيالىق مەديتسينالىق تەحنولوگيالار بار
سونىمەن قاتار, جوعارى تەحنولوگيالىق ارالاسۋلار بويىنشا ەڭ تانىمال بولعاندار:
- اۆتوماتتى كارديوۆەرتەر-دەفيبريللياتوردى يمپلانتاتتاۋ – 1 963 جاعداي;
- باس جانە مويىن تامىرلارىنىڭ ەندوۆاسكۋليارلىق ەمبوليزاتسياسى جانە وككليۋزياسى – 1 463 جاعداي;
- ۇرىقتىڭ ءدىڭ جاسۋشالارىن ترانسپلانتاتتاۋ – 1 384 جاعداي.
قازاقستاندا 82 جوعارى تەحنولوگيالىق مەديتسينالىق تەحنولوگيا بار. ججبي تەراپيا, پەدياتريا, نەيروحيرۋرگيا, ونكولوگيا, كارديوحيرۋرگيا, تراۆماتولوگيا, ۋرولوگيا, اكۋشەرلىك جانە گينەكولوگيا, سونداي-اق ترانسپلانتولوگيا سياقتى نەگىزگى كلينيكالىق باعىتتار بويىنشا كورسەتىلەدى.
رەسپۋبليكا بويىنشا 120-دان استام مەديتسينالىق ۇيىم حالىققا جوعارى تەحنولوگيالىق مەديتسينالىق كومەك كورسەتتى.
استانادا بالالارعا قانداي كۇردەلى وپەراتسيالار تەگىن جاسالادى
نەشە ناۋقاسقا وتا جاسالدى؟
تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە 1,6 مىڭنان استام پاتسيەنتكە وپەراتسيا جاسالدى, مىندەتتى الەۋمەتتىك مەديتسينالىق ساقتاندىرۋ جۇيەسى بويىنشا – 17,5 مىڭعا جۋىق.
وتەلگەن شىعىنداردىڭ جالپى كولەمى 79 ملرد تەڭگەنى, ءبىر جاعدايدىڭ ورتاشا قۇنى 4,1 ملن تەڭگەنى قۇرادى.
جوعارى تەحنولوگيالىق مەديتسينالىق كومەكتى دامىتۋ جانە كەڭەيتۋ دەنساۋلىق ساقتاۋ جۇيەسىنىڭ نەگىزگى باعىتتارىنىڭ ءبىرى بولىپ قالا بەرەدى. بۇل ءومىردى ساقتاپ قالۋعا, مۇگەدەكتىكتى ازايتۋعا جانە پاتسيەنتتەردى ەڭ اۋىر دياگنوزدارمەن دە تولىققاندى ومىرگە قايتارۋعا مۇمكىندىك بەرەدى.
