فوتو: اشىق دەرەككوزدەن
كومپانيا مالىمەتىنشە, ۇشاق سەۋلدەن ساعات 09:25-تە ۇشىپ شىعىپ, جەرگىلىكتى ۋاقىتپەن 11:50-دە بەيجىڭگە شۇعىل قونعان.
اۋە كومپانياسى قازىر ماسەلەنى شەشۋ ءۇشىن قوسالقى بولشەكتىڭ جەتكىزىلۋىن كۇتىپ وتىر. سوندىقتان رەيستىڭ ۇشۋى جەرگىلىكتى ۋاقىت بويىنشا 1:00-گە اۋىستىرىلعان.
Air Astana قىتاي شەكارا قىزمەتىمەن بايلانىسىپ, ۆيزا تالاپ ەتىلمەيتىن جولاۋشىلاردىڭ اۋەجايدان ۋاقىتشا شىعىپ, قوناق ۇيدە تۇرۋىنا رۇقسات بەرۋ تۋرالى رەسمي ءوتىنىش جىبەرگەن. وزگە دە جولاۋشىلار اس-سۋمەن قامتاماسىز ەتىلىپ, ترانزيتتىك ايماقتارعا ورنالاستىرىلعان.
بۇعان دەيىن اتالعان كومپانياعا تيەسىلى تاعى ءبىر ۇشاقتا اقاۋ پايدا بولىپ, دەليگە شۇعىل قونعانى حابارلانعان.
ايتا كەتەيىك, Air Astana دۋباي مەن دوحا باعىتىنداعى رەيستەرىن قايتا جانداندىرۋدى جوسپارلاپ وتىر.
