پەتروپاۆلدا باس دارىگەر جارتى ملن. تەڭگەنى باس پايداسىنا جاراتقان

پەتروپاۆل. 24 اقپان. سولتۇستىك قازاقستان وبلىستىق ىشكى ىستەر دەپارتامەنتىنە قاراستى گوسپيتالدىڭ باس دارىگەرى الەكساندر پەتروۆ قىزمەت بابىن اسىرا پايدالانعانى ءۇشىن 5 جىلعا شارتتى تۇردە باس بوستاندىعىنان ايرىلدى. بۇل تۋرالى egemen.kz ءتىلشىسى حابارلادى. ۆەدومستۆولىق كلينيكانىڭ باسشىسى قاراماعىنداعى قىزمەتكەرلەرگە سىياقى جازىپ, ونىڭ ءبىر بولىگىن وزىنە الىپ وتىرعان. ونىڭ زاڭسىز ارەكەتتەرىن وبلىستىق پروكۋراتۋرانىڭ قىزمەتكەرلەرى انىقتاعان. بۇرىنعى باس دارىگەر الاياقتىق قىلىقتارىن بىرنەشە مارتە قايتالاپ, ءبىر ىزبەن جۇزەگە اسىرىپ وتىرعان. اتاپ ايتقاندا, كەيبىر قىزمەتكەرلەرگە اۋىزشا, كەيبىر قىزمەتكەرلەردى كابينەتىنە شاقىرۋ ارقىلى پارمەن بەرىپ, «سىياقىلاردى» قالتاسىنا سالىپ وتىرعان. ماسەلەن, 2013 جىلدىڭ قورىتىندىسى بويىنشا قىزمەتكەرلەرگە تاعايىندالعان سىياقىنىڭ 288 مىڭ تەڭگەسىن, ناۋرىز مەرەكەسى قارسىندا بەرىلگەن سىياقىنىڭ 287 مىڭ تەڭگەسىن جامباسىنا باسقان. ءسويتىپ, جارتى ميلليون تەڭگەدەن استام قاراجاتتى باس پايداسىنا جاراتقان. سوتتا كۇدىكتى قىلمىسىن مويىنداماعانىمەن, كىناسى تولىق دالەلدەندى. قىزمەت وكىلەتتىگىن اسىرا پايدالانعانى ءۇشىن شارتتى تۇردە 5 جىلعا اباقتىعا كەسىلدى. مەملەكەتتىك ورگاندارداعى باسشىلىق قىزمەتتەن 5 بەس جىلعا دەيىن الاستاتىلدى. ءومىر ەسقالي. دەرەك: egemen.kz. سۋرەت: i-news.kz.