اتىشۋلى بانكتەن اقشالارىن الا باستادى

قۇردىمعا كەتكەن «ۆاليۋت-ترانزيت بانك» اكتسيونەرلىك قوعامىنىڭ  سالىمشىلارى بەس ميلليون تەڭگەگە دەيىن­گى سو­ماداعى اقشالارىن قاي­تارىپ الاتىن بولدى. بۇل سومانى تولەۋدى «دەپوزيتتەردى كەپىلدەندىرۋدىڭ قازاقستاندىق قورى» اق ءوز مىندەتىنە الىپ وتىر. وتىنىمدەر اعىمداعى جىلدىڭ 10 تامىزىنان قابىلدانا باستادى. «قازاقستان رەسپۋبلي­كاسى­نىڭ ۇلتتىق بانكى» رمم قارا­عاندى فيليالىنىڭ ءباسپاسوز قىزمەتى بەرگەن مالىمەت بويىنشا, تامىز ايىنان باستاپ «قازاقستان رەسپۋبليكاسىنىڭ كەيبىر زاڭنامالىق اكتى­لەرىنە مەنشىك قۇقىعىن قور­عاۋدى كۇشەيتۋ, شارتتىق مىندەتتەمەلەردى قورعاۋدى كەپىل­دەندىرۋ جانە ولاردى بۇزعانى ءۇشىن جاۋاپكەرشىلىكتى قاتاڭداتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭى كۇشىنە ەنگەن. وسىعان سايكەس, كەپىلدىك وتەۋلەرىن الۋ ءۇشىن سالىمشىلار جارتى جىل ىشىندە تولەمشى بانك-اگەنت بولىپ تابىلاتىن «بانكتسەنتركرەديت» اكتسيونەرلىك قوعامىنىڭ كەز  كەلگەن بولىمشەسىنە حابارلاسا الادى. ال بەس ميلليون تەڭگەدەن اساتىن سالىم سوماسىنىڭ قالدىعى مەن وعان تيەسىلى سىي­اقىنى «ۆاليۋت-ترانزيت بانك» اق تاراتۋ كوميسسياسى تولەيتىن بولادى. قايرات ءابىلدينوۆ, «ەگەمەن قازاقستان». قاراعاندى.