سۋرەت: instagram.com/qostanai_tany
بوبەكجاي قۇرىلىسىنا 440 ملن تەڭگە جۇمسالعان. جاز بويى ەسكى عيماراتتىڭ ينجەنەرلىك جەلىلەرى, ەسىك-تەرەزەسى اۋىستىرىلىپ, جاڭا جەلدەتۋ جۇيەسى ورناتىلدى. ءىشى-سىرتىنا قايتادان جارىق تارتىلىپ, بالالاردىڭ قاۋىپسىزدىگىنە قاجەت دۇنيەلەردىڭ ءبارى ورناتىلعان.
ەسكى عيماراتتىڭ جاڭارىپ, ەل يگىلىگىنە قىزمەت ەتە باستاۋىنا جەرگىلىكتى كاسىپكەر نيكولاي شەرەردىڭ كوپ ەڭبەك سىڭىرگەنىن ايتا كەتۋ كەرەك. كاسىپكەر نىساننىڭ جوبالىق-سمەتالىق قۇجاتىن ءوز قارجىسىنا جاساتقان.
«قازىر بالاباقشادا ءۇش توپ جۇمىس ىستەپ جاتىر. 65 بالا بار. ەكى توپ ورىس تىلىندە, ءبىر توپ قازاق تىلىندە تاربيە بەرەدى. جاڭا بالاباقشانىڭ اشىلۋى اۋىل تۇرعىندارى ءۇشىن ۇلكەن مەرەكە دەۋگە بولادى. شىنىن ايتسام, قياندا جاتقان شاعىن شالعاي اۋىلداعى بالاباقشا قۇرىلىسىنا مەملەكەت قارجى بولە قويمايتىن شىعار دەگەن ويدا بولدىم. دەگەنمەن قوماقتى قارجى ءبولىنىپ, وسى كۇنگە جەتىپ وتىرمىز. بۇكىل اۋىل تۇرعىندارى بولىپ پرەزيدەنتىمىزگە راحمەت ايتامىز. ءوتىنىشىمىزدى قۇپ الىپ, بارىنشا قولداۋ كورسەتكەن وبلىس باسشىلارىنا دا رازىمىز. سوڭعى ءۇش جىل ىشىندە اۋىلىمىزدا قىرۋار شارۋا ىستەلدى. اسفالت توسەلىپ, سۋ تارتىلدى, جوعىمىزدىڭ ءبارى تۇگەندەلدى. ەندى, مىنە, كوپتەن بەرى تۇرالاپ قالعان بالاباقشامىز ادام تانىماستاي وزگەرىپ شىعا كەلدى. بالالارىمىز بەن نەمەرەلەرىمىز ءدال وسىنداي ەڭسەلى بوبەكجايدا تاربيەلەنۋگە ءتيىس», دەيدى اۋىل جاناشىرى نيكولاي شەرەر.
جالپى, دەنيسوۆ اۋدانىندا 22 بالاباقشا جۇمىس ىستەيدى. 500 بالا وسى بالاباقشالاردان تاربيە الىپ جاتىر.
قوستاناي وبلىسى
