فوتو: esa.int
«الداعى جىلدارى جەردى قاشىقتىقتان ءار ءتۇرلى ءتۇسىرۋشى قۇرال-جابدىقتارمەن جابدىقتالعان اۋەلىك جانە عارىشتىق قۇرىلعىلارمەن باقىلاۋعا ارنالعان كەمىندە 5-6 سپۋتنيك شىعارىلادى. ونىڭ ىشىندە 75 ميلليون دوللار سوماسىنا ەكسپورت جاساۋ جوسپارلانىپ وتىر. بۇل قازاقستان تاريحىندا تۇڭعىش رەت بولادى جانە ەلىمىزدىڭ ەڭ تەحنولوگيالىق ەكسپورتى بولماق», دەدى ۆيتسە-پرەمەر.سونداي-اق ەلىمىز 1 ميلليارد دوللار بولاتىن IT-قىزمەتتەرىنىڭ ەكسپورت كورسەتكىشىنە مەرزىمىنەن ءبىر جىل بۇرىن قول جەتكىزۋدى كوزدەپ وتىر.
جاسلان ماديەۆتىڭ ايتۋىنشا, وتكەن جىلى IT-نارىقتىڭ كىرىسى شامامەن 2 تريلليون تەڭگەنى قۇراعان. بۇل رەتتە مەملەكەت باسشىسى 2026 جىلعا قاراي قىزمەتتەر ەكسپورتىنىڭ 1 ميلليارد دوللار كولەمىنە قول جەتكىزۋ مىندەتىن قويدى. ۆيتسە-پرەمەردىڭ مالىمەتىنشە, بۇل كورسەتكىشكە 2025 جىلدىڭ قورىتىندىسى بويىنشا جەتۋى ىقتيمالدىعى بار.
«Astana Hub – ءىت-سالاسىنىڭ نەگىزگى ەكوجۇيەسى. قاتىسۋشىلارىنىڭ سانى 2000-عا دەيىن ءوستى. ولاردىڭ ىشىندە 25%-ى شەتەلدىك كومپانيالار. Astana Hub ستارتاپتارى مەن IT كومپانيالارى قازىردىڭ وزىندە 30 مىڭنان استام جۇمىس ورنىن اشتى. ال ەكونوميكاعا سالىنعان ينۆەستيتسيا سوماسى 900 ميلليون دوللاردان استى», دەدى جاسلان ماديەۆ.سونداي-اق بۇگىن ۇكىمەت وتىرىسىندا ەكونوميكانىڭ بارلىق سالاسىنا زاماناۋي تەحنولوگيالاردى ەنگىزۋ ماسەلەسى دە تالقىلاندى.
