ءتۇسىرۋ توبى الماتىنىڭ بىرقاتار ماڭىزدى نىسانىن ارالادى. اتاپ ايتقاندا, ۆوزنەسەنسكي سوبورى, ورتالىق مەملەكەتتىك مۋزەي, رەسپۋبليكا سارايى, م. گوركي اتىنداعى ورتالىق مادەنيەت جانە دەمالىس ساياباعى, استانا الاڭى, امانگەلدى يمانوۆ اتىنداعى سكۆەر, «Sputnik Mall» ساۋدا جانە ويىن-ساۋىق ورتالىعى مەن بايكەن مەشىتى كورىنىس تاپتى. ءتۇسىرىلىم جۇمىستارى بىلتىر كوكتەمدە جۇرگىزىلىپ, قالانىڭ تاريحي, مادەني جانە تابيعي كەڭىستىكتەرىنىڭ سان قىرلى بولمىسىن ەكران تىلىمەن سويلەتتى.
كوماندا قۇرامىندا شامامەن 70 ادام بار. الماتى قالاسىنىڭ تۋريزم باسقارماسى جان-جاقتى قولداۋ كورسەتىپ, ءتۇسىرىلىمنىڭ ۇيلەسىمدى ءارى مازمۇندى وتۋىنە سەپتىگىن تيگىزگەن.
«Pekin Express» – فرانتسياداعى تۋريستىك تالعام مەن باعىتتى ايقىندايتىن ەڭ ىقپالدى مەدياجوبالاردىڭ ءبىرى. باعدارلامانىڭ ءاربىر شىعارىلىمىن ميلليونداعان كورەرمەن كورسە, جەكەلەگەن بولىمدەر M6+ تسيفرلىق پلاتفورماسى ارقىلى كەڭ اۋديتورياعا جول تارتادى. بەلگىلى ءبىر ەلدە تۇسىرىلگەن ماۋسىم ەفيرگە شىققان سوڭ فرانتسيادان اعىلاتىن تۋريستەر سانى ءداستۇرلى تۇردە كەمىندە 15 پايىزعا ارتادى. بۇل الماتى مەن قازاقستاندى الەمدىك تۋريستىك كەڭىستىكتە تانىتۋعا تىڭ سەرپىن بەرەدى.
اتالعان ماۋسىم الماتىنىڭ وزىندىك ەرەكشەلىگىن ايشىقتاپ, قالانىڭ تۋريستىك باعىت رەتىندەگى تارتىمدىلىعىن ارتتىرا ءتۇستى.
ەسكە سالايىق, مەملەكەت باسشىسى قاسىم-جومارت توقاەۆ كەشە «تۇركىستان» گازەتىنە بەرگەن سۇحباتىندا الماتىداعى تاۋ شاڭعىسى ءتۋريزمىن دامىتۋ ءۇشىن تىڭ تاسىلدەر قاجەت ەكەنىن ايتقان بولاتىن.
