فوتو: istockphoto.com
ساعات 11:00-دەگى جاعداي بويىنشا, بوران مەن جولدىڭ كورىنبەۋىنە بايلانىستى كەلەسى باعىتتاردا جولدار جابىلدى.
اقمولا وبلىسى: وڭىردەگى نەگىزگى كۇرە جولداردىڭ باسىم بولىگىنە شەكتەۋ قويىلدى. اتاپ ايتقاندا, استانا – ششۋچينسك, استانا – كوكشەتاۋ – پەتروپاۆل, كوكشەتاۋ – اتباسار جانە كوكشەتاۋ – رۋزاەۆكا باعىتتارىنداعى ۋچاسكەلەر جابىلدى. سونداي-اق قوستاناي مەن جەزقازعان باعىتتارىنا شىعاتىن جولداردا دا قوزعالىس توقتاتىلدى.
سولتۇستىك قازاقستان وبلىسى: اقمولا جانە قوستاناي وبلىستارىنىڭ شەكاراسىنان بەسكول, رۋزاەۆكا جانە توقسان بي اۋىلدارىنا دەيىنگءى باعىتتار جابىق.
اقتوبە جانە اتىراۋ وبلىستارى: «اقتوبە – اتىراۋ – رەسەي شەكاراسى» تاس جولىنىڭ اقتوبەدەن باستاپ اتىراۋ وبلىسىنداعى ساعىز اۋىلىنا دەيىنگى ارالىعىندا كولىك قوزعالىسىنا تىيىم سالىندى.
پاۆلودار وبلىسى: «اتامەكەن – ەرتىس – رەسەي شەكاراسى» باعىتىنداعى جول ۋچاسكەسىندە قوزعالىس شەكتەلدى.
قازىرگى تاڭدا جولداردى قار مەن مۇزدان تازارتۋ جۇمىستارىنا 722 بىرلىك ارنايى تەحنيكا جۇمىلدىرىلعان. جول قىزمەتتەرى جۇرگىزۋشىلەرگە قاۋىپسىزدىك ەرەجەلەرىن ساقتاپ, الىس ساپارعا شىعۋدان باس تارتۋدى ەسكەرتەدى.
