ۇلتتىق ستاتيستيكا بيۋروسىنىڭ دەرەگىنشە, وتكەن ايدا اپەلسين باعاسى 2,6%-عا, ءسابىز – 2%-عا, قانت – 1,3%-عا قىمباتتادى. ال جۇمىرتقا باعاسى 0,1%-عا تومەندەدى. سونداي-اق كونتسەنتراتتالعان ءسۇت 2,1%-عا, قاتتى ىرىمشىك 1,8%-عا, كوكونىس شىرىندارى 1,6%-عا قىمباتتاعان.
– جەكەلەگەن ءدارى-دارمەكتەر ارزاندادى. اتاپ ايتقاندا, سۋپراستين باعاسى 18,5%-عا, ەناپ – 5,2%-عا, كانەفرون – 1,4%-عا, يودومارين مەن ازيتروميتسين – ارقايسىسى 0,9%-عا تومەندەدى. اۆتوموبيلدەر 0,4%-عا, ەلەكتر قۇرالدارى 0,9%-عا ارزاندادى. ال سمارتفوندار 0,9%-عا, جەكە گيگيەنا تاۋارلارى 1,1%-عا قىمباتتادى.
كوممۋنالدىق قىزمەتتەر اراسىندا سۋ بۇرۋ تاريفتەرى 2,4%-عا ءوستى, ال سۋىق سۋ ءتاريفى 0,9%-عا تومەندەدى. ءبىر اي ىشىندە تاكسي قىزمەتتەرى 1,8%-عا, مونشاعا بارۋ قۇنى 2,1%-عا, كينوتەاتر قىزمەتتەرى 2,9%-عا قىمباتتاعان, – دەلىنگەن جازبادا.
2025 جىلدىڭ قورىتىندىسى بويىنشا جىلدىق ينفلياتسيا 12,3% بولدى. جەلتوقسان ايىندا ازىق-ت ۇلىك تاۋارلارىنىڭ جىلدىق ءوسىمى 13,5%-دى, ازىق-ت ۇلىككە جاتپايتىن تاۋارلار 11,1%-دى, ال اقىلى قىزمەتتەر 12%-دى قۇرادى.
ازىق-ت ۇلىك تاۋارلارى اراسىندا جىلدىق ماندە قىزاناق باعاسى 7,9%-عا, كۇرىش – 4,8%-عا, قيار – 4,7%-عا, ءتاتتى بۇرىش – 2,7%-عا, كەپتىرىلگەن ورىك 2%-عا ارزاندادى. كەرىسىنشە, ءجۇزىم 7,7%-عا, كوك شاي 7,9%-عا قىمباتتاعان.
ازىق-ت ۇلىككە جاتپايتىن تاۋارلار اراسىندا اياق كيىمگە ارنالعان كرەم باعاسى 10,8%-عا, سانتەحنيكالىق قوسپالاۋىش 8,5%-عا, ەلەكتر بۇرعىسى 6,6%-عا ءوستى.
2025 جىل ىشىندە تۇرعىن ءۇي-كوممۋنالدىق قىزمەتتەر سالاسىندا سۋىق سۋ تاريفتەرى 13,1%-عا تومەندەدى. ال اياق كيىم جوندەۋ قىزمەتى 10,1%-عا, پوشتا قىزمەتتەرى 8,9%-عا, اۆتوساقتاندىرۋ 6,5%-عا قىمباتتادى.
وڭىرلەر اراسىندا جىلدىق ينفلياتسيانىڭ ەڭ تومەن دەڭگەيى الماتى قالاسىندا جانە قوستاناي وبلىسىندا تىركەلىپ, 11,7% قۇرادى. سونداي-اق اباي, جامبىل جانە باتىس قازاقستان وبلىستارىندا ينفلياتسيا دەڭگەيى 11,8% بولدى.
2025 جىلعى قاڭتاردان باستاپ تۇتىنۋ باعالارى يندەكسىن ەسەپتەۋ قۇرىلىمىندا ازىق-ت ۇلىك تاۋارلارىنىڭ ۇلەسى 40%, ازىق-ت ۇلىككە جاتپايتىن تاۋارلار 30,3%, اقىلى قىزمەتتەر 29,7% بولدى. ينفلياتسيا دەڭگەيىن سيپاتتايتىن تۇتىنۋ باعالارى يندەكسى اي سايىن ەسەپتەلىپ, 508 تاۋار مەن قىزمەت ءتۇرى بويىنشا جۇرگىزىلەدى.
