فوتو: The Biden White House
گونسالەستىڭ مالىمدەمەسى: «مەن – جوعارعى باس قولباسشىمىن»
ەدمۋندو گونسالەس ءوزىنىڭ «ح» الەۋمەتتىك جەلىسىندەگى بەينەۇندەۋىندە حالىقتىڭ 2024 جىلعى 28 شىلدەدەگى تاڭداۋى اياققا تاپتالعانىن ايتىپ, قازىرگى جاعدايدى «بيلىكتى ۋزۋرپاتسيالاۋ» دەپ اتادى.
«بۇگىن بيلىكتى باسىپ العان ادام ەلدە ەمەس جانە ول سوت الدىندا جاۋاپ بەرەدى. ەلدەگى شىنايى تۇراقتىلىق حالىقتىڭ 28 شىلدەدەگى تاڭداۋى قۇرمەتتەلگەندە عانا ورنايدى», دەدى گونسالەس.
سونداي-اق ول ەلدىڭ قارۋلى كۇشتەرىنە ۇندەۋ تاستاپ, ءوزىن جوعارعى باس قولباسشى رەتىندە تانۋدى تالاپ ەتتى.
بيلىك كىمنىڭ قولىندا؟
2024 جىلعى سايلاۋدا ۇلتتىق سايلاۋ كەڭەسى نيكولاس مادۋرونى جەڭىمپاز دەپ جاريالاعان بولاتىن. الايدا اقش باستاعان بىرقاتار ەلدەر بۇل ناتيجەنى مويىنداماي, گونسالەستى زاڭدى باسشى دەپ ەسەپتەيدى.
2026 جىلدىڭ 4 قاڭتارىنداعى جاعداي بويىنشا:
- ۆەنەسۋەلا جوعارعى سوتى پرەزيدەنت ۇستالعاننان كەيىن (مادۋرو تۋرالى ايتىلۋدا), مەملەكەت باسشىسىنىڭ مىندەتىن ۋاقىتشا اتقارۋشى رەتىندە ۆيتسە-پرەزيدەنت دەلسي رودريگەستى تاعايىندادى.
- الايدا اقش پرەزيدەنتى دونالد ترامپ دەلسي رودريگەسكە ەسكەرتۋ جاساپ, ەگەر ول ۆاشينگتوننىڭ تالاپتارىن ورىنداماسا, اۋىر سالدارعا تاپ بولاتىنىن مالىمدەدى.
ەدمۋندو گونسالەس ءوز ۇندەۋىندە: ء«بىز ءوز پرينتسيپتەرىمىزگە ەشقاشان وپاسىزدىق جاسامايمىز, ۇلتتى قالپىنا كەلتىرۋ وسىعان نەگىزدەلەدى. ۆەنەسۋەلا قۇقىقتار مەن ءۇمىت سالتانات قۇرعان بولاشاققا لايىقتى», دەپ اتاپ ءوتتى.
قازىرگى ۋاقىتتا ۆەنەسۋەلادا ەكىۇداي بيلىك ورناپ, حالىقارالىق قاۋىمداستىقتىڭ نازارى لاتىن امەريكاسىنا اۋىپ وتىر. جاعدايدىڭ بۇدان ءارى قالاي ءوربيتىنى اسكەريلەردىڭ كىمدى قولدايتىنىنا تىكەلەي بايلانىستى بولماق.
