بۇل اقپاراتتى اقش-تىڭ NBC News تەلەارناسى تاراتتى. نيكولاس مادۋرو تومەنگى فەدەرالدى سوتقا جەرگىلىكتى ۋاقىتپەن تۇسكى ساعات 12:00-دە, استانا ۋاقىتىمەن 22:00-دە جەتكىزىلەدى. ءىستى فەدەرالدى سۋديا ەلۆين ك. حەللەرشتەين قارايدى.
ال CBS News مالىمەتىنە قاراعاندا, سوت وتىرىسىنا ۆەنەسۋەلا پرەزيدەنتىنىڭ جۇبايى سيليا فلورەس تە قاتىسپاق.
ەسكە سالا كەتەيىك, جەكسەنبى كۇنى مادۋرو نيۋ-يوركتەگى برۋكلين قالاسىنداعى تەرگەۋ يزولياتورىنا قامالعان.
بۇعان دەيىن اقش ۆەنەسۋەلا اۋماعىندا ارنايى وپەراتسيا جۇرگىزىپ, ەل استاناسى كاراكاستا پرەزيدەنت پەن ونىڭ جۇبايىن ۇستاعان ەدى. وسىعان بايلانىستى اقش پرەزيدەنتى دونالد ترامپ مونرو دوكتريناسىن ەسكە سالىپ, امەريكالىق قۇرلىقتىڭ وزگە دەرجاۆالاردىڭ ارالاسۋىنا جابىق ايماق ەكەنىن مالىمدەدى. سونىمەن بىرگە ول اقش-قا قارسى ارەكەت ەتەتىن كۇشتەرگە ۆەنەسۋەلاداعىداي قاتاڭ شارا قولدانىلۋى مۇمكىن ەكەنىن ەسكەرتتى.
ال دۇيسەنبى, 5 قاڭتار كۇنى بۇۇ قاۋىپسىزدىك كەڭەسى ۆەنەسۋەلاداعى احۋالعا بايلانىستى شۇعىل وتىرىس وتكىزەدى.
