فوتو: Report.az
اl Jazeera مالىمەتىنشە, حات ترامپتىڭ يراندا جالعاسىپ جاتقان نارازىلىق اكتسيالارى كەزىندە شەرۋشىلەر قازا تاپقان جاعدايدا اقش «ۇرىسقا دايىن» ەكەنىن مالىمدەگەن سوزىنەن بىرنەشە ساعات وتكەن سوڭ جولدانعان.
يراۆاني بۇۇ باس حاتشىسى انتونيۋ گۋتەرريش پەن قاۋىپسىزدىك كەڭەسىنىڭ مۇشەلەرىن ترامپتىڭ «ويلانباي ايتىلعان جانە ارانداتۋشى مالىمدەمەلەرىن» ءسوزسىز ءارى قاتاڭ ايىپتاۋعا شاقىردى. ونىڭ ايتۋىنشا, بۇل مالىمدەمەلەر بۇۇ جارعىسى مەن حالىقارالىق قۇقىقتىڭ ورەسكەل بۇزىلۋى بولىپ سانالادى.
حاتتا سىرتقى قىسىم نەمەسە اسكەري ارالاسۋ سىلتاۋىمەن ىشكى تارتىپسىزدىكتەردى قوزدىرۋ, قولداۋ نەمەسە زاڭداستىرۋ ارەكەتتەرى يران يسلام رەسپۋبليكاسىنىڭ ەگەمەندىگىنە, ساياسي تاۋەلسىزدىگىنە جانە اۋماقتىق تۇتاستىعىنا تىكەلەي قول سۇعۋ ەكەنى اتاپ وتىلگەن.
سونداي-اق يران ۇكىمەتى ءوز ەگەمەندىگىن قورعاۋعا دەگەن اجىراماس قۇقىعىن راستايتىنى جانە بۇل قۇقىقتى تاباندى ءارى پروپورتسيونالدى تۇردە جۇزەگە اسىراتىنى ايتىلعان.
امير سايد ءيراۆانيدىڭ مالىمدەۋىنشە, اتالعان زاڭسىز قوقان-لوققىلاردان جانە كەز كەلگەن كەيىنگى شيەلەنىستەن تۋىندايتىن سالدار ءۇشىن تولىق جاۋاپكەرشىلىك امەريكا قۇراما شتاتتارىنا جۇكتەلەدى.
