ترامپتىڭ ايتۋىنشا, وپەراتسيا اقش قۇقىق قورعاۋ ورگاندارىنىڭ قاتىسۋىمەن جۇزەگە اسقان. ول بۇل تۋرالى Truth Social الەۋمەتتىك جەلىسىندە جازىپ, تولىق اقپاراتتى فلوريدا شتاتىنداعى مار-ا-لاگو رەزيدەنتسياسىندا وتەتىن ءباسپاسوز ءماسليحاتىندا جاريالايتىنىن ايتتى.
CBS News دەرەگىنشە, مادۋرونى ۇستاۋ وپەراتسياسىن اقش ارمياسىنىڭ ارنايى جاساقتاعى Delta Force بولىمشەسى جۇرگىزگەن.
سونىمەن قاتار ۆەنەسۋەلا ۆيتسە-پرەزيدەنتى دەلسي رودريگەس مەملەكەتتىك تەلەارنا ەفيرىندە مادۋرو مەن ونىڭ جۇبايىنىڭ قازىرگى ۋاقىتتا قايدا ەكەنىن بىلمەيتىنىن مالىمدەدى. ال اقش مەملەكەتتىك دەپارتامەنتى مادۋرونىڭ قىلمىستارى ءۇشىن جاۋاپ بەرەتىنىن حابارلادى.
بۇعان دەيىن كاراكاستا جارىلىستار تىركەلىپ, اقش ۆەنەسۋەلا اۋماعىنداعى بىرقاتار اسكەري نىساندارعا سوققى جاساعانى حابارلانعان. ۆەنەسۋەلا بيلىگى بۇل ارەكەتتەردى اسكەري اگرەسسيا دەپ باعالاپ, ەلدە توتەنشە جاعداي رەجيمىن ەنگىزدى.
اقش-تىڭ ارەكەتتەرىن كۋبا, يران جانە كولۋمبيا سىنعا الدى. كولۋمبيا پرەزيدەنتى گۋستاۆو پەترو بۇۇ مەن امەريكا مەملەكەتتەرى ۇيىمىن شۇعىل وتىرىس وتكىزۋگە شاقىردى.
