ۆەدومستۆو مالىمەتىنشە, وتكەن جىلى 2 ميلليوننان استام بالا اۋديولوگيالىق سكرينينگتەن جانە پسيحوفيزيكالىق دامۋ باعالاۋىنان ءوتتى. سونىمەن قاتار 300 مىڭنان استام ءسابي نەوناتالدىق سكرينينگپەن, ال شامامەن 13 مىڭ بالا وفتالمولوگيالىق تەكسەرۋمەن قامتىلعان.
بالالارعا كورسەتىلەتىن مەديتسينالىق كومەكتىڭ قولجەتىمدىلىگىن ارتتىرۋ ماقساتىندا ەمحانالار بازاسىندا 209 پەدياتريالىق بولىمشە جانە 290 دامۋ مەن ەرتە ارالاسۋ ورتالىعى اشىلدى. بۇل شارالار تۋا بىتكەن دامۋ اقاۋلارىن ەرتە كەزەڭدە انىقتاۋعا مۇمكىندىك بەردى.
سونداي-اق تۇرعىلىقتى جەرى بويىنشا ەمحانالار جانىنان قۇرىلعان ەرتە ارالاسۋ ورتالىقتارىندا 50 مىڭنان استام بالا قاجەتتى مەديتسينالىق كومەك العان.
بالالارعا مەديتسينالىق كومەكتىڭ ساپاسىن ارتتىرۋ ءۇشىن 10 مەديتسينالىق ستاندارت جانە انا مەن بالا دەنساۋلىعىنا قاتىستى 26 كلينيكالىق حاتتاما جاڭارتىلدى.
دەنساۋلىق ساقتاۋ مينيسترلىگى بۇل شارالار بالالاردىڭ دەنساۋلىعىن قورعاۋدى كۇشەيتۋگە جانە اۋرۋلاردىڭ الدىن الۋعا باعىتتالعانىن اتاپ ءوتتى.
