فوتو: ەرلان ومار
سالىقتىق شەگەرىمدەر: مەديتسينا, وقۋ جانە يپوتەكا
جەكە تۇلعالار 2025 جىلعا ارنالعان جتس-تى ەسەپتەۋ كەزىندە مەديتسينالىق قىزمەتتەرگە, وقۋعا جانە يپوتەكالىق قارىزدار بويىنشا سىياقى تولەۋگە جۇمسالاتىن جوسپارلانعان شىعىستاردى قامتيتىن الدىن الا سومانى قولدانۋعا قۇقىلى.
- ەڭ جوعارى مولشەر – 282 اەك (1 219 650 تەڭگە).
- جۇمىس بەرۋشىگە ءوتىنىش بەرۋ قاجەت. سونداي-اق 2026 جىلعى 15 قىركۇيەكتەن كەشىكتىرمەي راستايتىن قۇجاتتارمەن بىرگە دەكلاراتسيا (270.00-نىسان) تاپسىرىلۋى ءتيىس.
جاڭا سالىق كودەكسى كۇشىنە ەنسە وقۋ اقىسى قىمباتتاۋى مۇمكىن بە؟
كوپبالالى وتباسىلارعا جەڭىلدىكتەر
18 جاسقا تولماعان ءتورت جانە ودان دا كوپ بالاسى بار وتباسىلار ءۇشىن 282 اەك مولشەرىندە سالىقتىق شەگەرىم كوزدەلگەن. ءاربىر اتا-اناعا اي سايىن 11,75 اەك (50 794 تەڭگە) نەمەسە ولادىڭ بىرىنە اي سايىن 23,5 اەك (101 488 تەڭگە) مولشەرىندە قولدانىلۋى مۇمكىن.
بىرجولعى زەينەتاقى تولەمدەرىن سالىقتان بوساتۋ
2026 جىلعى 1 قاڭتاردان باستاپ جۇزەگە اسىرىلاتىن بىرجولعى زەينەتاقى تولەمدەرى جتس-تان تولىق بوساتىلادى. بۇل جەڭىلدىك بۇرىن الىنعان جانە سالىعىن 16 جىلعا دەيىن ءبولىپ تولەۋدى تاڭداعان تولەمدەرگە دە قاتىستى قولدانىلادى.
م ۇلىكتىك تابىس جانە يەلىك ەتۋ مەرزىمى
2026 جىلعى 1 قاڭتاردان باستاپ جىلجىمايتىن م ۇلىكتى ساتۋ كەزىندە م ۇلىكتىك تابىس تەك وعان ەكى جىلدان استام يەلىك ەتكەن جاعدايدا عانا تۋىندايدى.
- 2026 جىلعا دەيىن ساتىپ الىنعان م ۇلىككە بۇرىنعى ءبىر جىلدىق مەرزىم ساقتالادى.
- تابىس الىنعان جىلدان كەيىنگى جىلدىڭ 15 قىركۇيەگىنە دەيىن تاپسىرىلىپ, سالىق 25 قىركۇيەكتەن كەشىكتىرىلمەي تولەنۋى ءتيىس.
باعالى قاعازداردى وتكىزۋ
قۇن وسىمىنەن الىناتىن تابىس ءاربىر وپەراتسيا بويىنشا وڭ جانە تەرىس ناتيجەلەردى جيىنتىقتاۋ ارقىلى ەسەپتەلەدى. باعالى قاعازداردى ەسەپتەن شىعارۋ حرونولوگيالىق تارتىپپەن جۇرەدى, ال بروكەرلىك سىياقى باستاپقى قۇنعا ەنگىزىلىپ, سالىق سالىناتىن تابىستى ازايتۋعا مۇمكىندىك بەرەدى.
1 قاڭتاردان باستاپ سالىق رەفورماسى كۇشىنە ەنەدى. بازارداعى باعا شارىقتاۋى ىقتيمال
