فوتو: istockphoto.com
مەملەكەت باسشىسى 2025 جىلدىڭ قاراشا ايىنىڭ سوڭىندا قول قويعان زاڭعا سايكەس, 25 قاڭتاردان باستاپ زياتكەرلىك مەنشىك سالاسىنداعى جاڭا ەرەجەلەر ءوز كۇشىنە ەنەدى. قۇجاتتىڭ باستى جاڭالىعى – قۇقىقتاردى ۇجىمدىق باسقارۋ سالاسىنداعى بىرىڭعاي تسيفرلىق پلاتفورمانىڭ قۇرىلۋى.
پلاتفورما نە ءۇشىن قاجەت؟
بىرىڭعاي تسيفرلىق پلاتفورما نارىقتىڭ بارلىق قاتىسۋشىلارى ءۇشىن اشىقتىقتى قامتاماسىز ەتەدى. ونىڭ كومەگىمەن:
- شارتتار جاساسۋدان باستاپ اۆتورلارعا قالاماقى بولۋگە دەيىنگى بارلىق پروتسەستەر اشىق بولادى;
- شىعارمالاردىڭ ء(ان, ۆيدەو, ءماتىن جانە ت.ب.) ينتەرنەتتە جانە باسقا دا ورتالاردا قالاي قولدانىلىپ جاتقانىن باقىلاۋعا مۇمكىندىك تۋادى;
- تولەمدەردى قاداعالاپ, ءتيىستى حابارلامالاردى الىپ وتىرۋعا جاعداي جاسالادى.
«بىرىڭعاي تسيفرلىق پلاتفورمانى ەنگىزۋ ءۇش كەزەڭدە جۇزەگە اسىرىلادى جانە 2027 جىلدىڭ قاڭتارىندا تولىق اياقتالادى», دەپ حابارلادى ۆەدومستۆو وكىلدەرى.
پلاتفورمانىڭ رەسمي تانىستىرىلىمى 2026 جىلى وتەدى دەپ جوسپارلانعان. سونىمەن قاتار جاڭا زاڭ اياسىندا اۆتورلىق جانە ساباقتاس قۇقىقتاردىڭ ساقتالۋىنا مەملەكەتتىك باقىلاۋ كۇشەيتىلىپ, تاۋار بەلگىلەرىن تىركەۋ مەرزىمى 3 ايعا دەيىن قىسقارتىلادى.
