— 2026 جىلعى 1 قاڭتاردان باستاپ قازاقستان رەسپۋبليكاسىنىڭ جاڭارتىلعان سالىق كودەكسىنە سايكەس ققس نەگىزگى مولشەرلەمەسى 12%-دان 16%-عا دەيىن ۇلعايادى. وسىعان بايلانىستى, ققس بيلەت باعاسىنا كىرەتىندىكتەن, باس بوتانيكالىق باققا كىرۋ بيلەتتەرىنىڭ قۇنى وزگەرەدى, — دەلىنگەن حابارلامادا.
ەندى بوتانيكالىق باققا كىرۋ اقىسى:
• ەرەسەكتەر ءۇشىن — 932,14 تەڭگە;
• زەينەتكەرلەر مەن وقۋشىلار ءۇشىن — 466,07 تەڭگە;
• ستۋدەنتتەر ءۇشىن — 745,71 تەڭگە بولادى.
اكىمشىلىك تيىنمەن ەسەپ ايىرىسۋعا بايلانىستى كەلۋشىلەرگە قولايسىزدىق تۋىنداۋى مۇمكىن ەكەنىن ەسكەرتىپ, كەشىرىم ءوتىندى.
قازىرگى ۋاقىتتا ورمان شارۋاشىلىعى جانە جانۋارلار دۇنيەسى كوميتەتىمەن بىرگە قىزمەت كورسەتۋ تاريفتەرىن تيىنسىز فورماتقا كوشىرۋ ماسەلەسى پىسىقتالىپ جاتىر.
