نەمەسە 142 ميلليون تەڭگەنىڭ جىرى
الماتى قالاسىنداعى «KEREGE HOMES» جشس ەلىمىزدەگى زاماناۋي ءوندىرىس سالاسىن ەڭسەرگەن ساناۋلى كومپانيالاردىڭ ءبىرى. 2012 جىلدان بەرى سان قىرلى ءارى كوشىپ-قونۋعا قولايلى جىلجىمالى تۇرعىن ۇيلەر, ونەركاسىپتىك توڭازىتقىشتار مەن اۆتوكولىك بورتتارى, ت.ب جاساۋمەن اينالىسادى. الايدا, نارىقتا جولى بولىپ, باسەكەلەستەرىن باسىپ وزعان «KEREGE HOMES» كومپانياسى سوڭعى ۋاقىتتا سوت تابالدىرىعىن توزدىرىپ جۇرگەن جايى بار.
«ادىلدىك ىزدەپ كەلدىم» دەگەن ن.قۇسايىنعازى ۇلى ءسوزىنىڭ راستىعىنا كوز جەتكىزۋىمىز ءۇشىن ءتيىستى قۇجاتتاردى قاراپ شىعۋىمىزدى ءوتىندى. ءبىز ءوز كەزەگىندە كومپانيا باسشىسى ىزگەن ءادىلدىكتىڭ استارىنا ءۇڭىلىپ, قات-قات قۇجاتتاردى اقتارعاننان كەيىن انىقتاعانىمىزدى قالىڭ وقىرماننىڭ نازارىنا ۇسىنىپ وتىرمىز.
ءسوز كەزەگىن الدىمەن ن.قۇسايىنعازى ۇلىنىڭ وزىنە بەرسەك: – «2013 جىلدىڭ قازان ايىندا «وزەنمۇنايگاز» اق ەلەكتروندى اشىق تەندەر وتكىزەدى. تەندەرگە تۇسكەن دۇنيە مۇناي سالاسىنا قاجەتتى جىلجىمالى ۇيلەر. وسى تەندەرگە اقتاۋ قالاسىنداعى «ۆيكر پليۋس» جشس-ءى قاتىسىپ, ۇتادى. بىراق, بۇل كومپانيانىڭ مۇنداي ءموبيلدى جىلجىمالى ۇيلەردى جاساۋعا ليتسەنزياسى دا تاجىريبەسى دە جوق. سوعان قاراماستان, ولار جىلجىمالى ۇيلەردى جوبالاۋ, جاساۋ, جەتكىزۋ بويىنشا «وزەنمۇنايگاز» اق جاريالاعان تەندەردە جەڭىسكە جەتەدى. بۇل كومپانيا تەندەرگە دەيىن بىزگە حابارلاسىپ, جوعارىداعى تەندەرگە قاتىساتىنى جايلى, جەڭىسكە جەتكەن جاعدايدا ءبىزدىڭ كومپانيانىڭ كومەگىنە جۇگىنەتىندىكتەرى تۋرالى ايتىپ, ءتىپتى, الدىن-الا كەلىسىمشارتقا دا وتىرعان بولاتىنبىز. وسىلايشا, «ۆيكر پليۋس» تەندەردى ۇتىسىمەن بىردەن الماتىعا بىزگە كەلدى. ولاردىڭ ۇسىنىستارىن قاراپ, 23.10.2013 جىلى «ۆيكر پليۋسپەن» ورتاق كەلىسىمشارتقا وتىردىق. كەلىسىمشارت بويىنشا «وزەنمۇنايگاز» اق-تىڭ تاپسىرىسىن ورىنداۋدى جارتىلاي ءبىز موينىمىزعا الىپ, «ۆيكر پليۋس» ءبىزدىڭ جۇمىسىمىزعا № ۆيكر 15-11/13-1 كەلىسىمشارتى بويىنشا 29 ميلليون 450 مىڭ تەڭگە, № ۆيكر 21-10/13-1 كەلىسىمشارتىنا ساي 62 ميلليون 309 مىڭ 980 تەڭگە, № ۆيكر 21-10/13-2 كەلىسىمشارتى بويىنشا 63 ميلليون 240 مىڭ تەڭگە تولەۋگە ءمىندەتتەمە الدى. مەن باسقاراتىن «KEREGE HOMES» جشس بىردەن ىسكە كىرىسىپ, اتالعان تاپسىرىستى مەجەلەنگەن ۋاقىتتا تولىقتاي اياقتاپ, 31.01.2014 جىلى وتكىزىپ بەرۋ-قابىلداپ الۋ اكتىسى جانە ورىندالعان جۇمىس اكتىسىمەن تاۋارلاردى «ۆيكر پليۋسكە» وتكىزدىك. وسىلايشا, ولار بىزگە كەلىسىمشارتتا كورسەتىلگەن تالاپقا ساي بانكتىك بەس كۇننىڭ ىشىندە اتقارىلعان جۇمىسىمىزدىڭ 90 پايىز اقىسىن ەسەپشوتىمىزعا اۋدارۋى ءتيىس ەدى. الايدا, سول قاراجاتتى «ۆيكر پليۋس» كۇنى بۇگىنگە دەيىن تولەمەي, ءبىزدى زاڭعا جۇگىنۋگە ءماجبۇر ەتۋدە. كومپانيامىزدىڭ كاسىبى وسى كەلەڭسىز جاعدايدان كەيىن كەرى كەتىپ, شىعىنعا باتۋدا.
«ۆيكر ءپليۋستىڭ» «اقشا ءالى تۇسكەن جوق» دەگەن سىلتاۋى ءبىتپەگەن سوڭ, 2014 جىلى 20 ساۋىردە «وزەنمۇنايگاز» اق-تىڭ بۋحگالتەرياسىنا ءوزىمىز قوڭىراۋ شالدىق. ولار بىزگە ەڭ سوڭعى اقشانى «ۆيكر ءپليۋستىڭ» ەسەپ شوتىنا 4 ساۋىردە اۋدارعاندارىن, «ۆيكر پليۋسپەن» تولىقتاي ەسەپ ايىرىسقاندىقتارىن ايتتى. سودان كەيىن, ءبىز اقتاۋعا «ۆيكر پليۋسكە» باردىق. سول ۋاقىتتا ولار بىزدەن قابىلداپ الىنعان زاتتاردىڭ بارلىعىن «وزەنمۇنايعا» وتكىزىپ, ءتيىستى اقشالارىن 100 پايىز العانى دا راستالدى. ءبىز جاساعان سول زاتتار قازىرگى تاڭدا «وزەنمۇنايگاز» اق-تىڭ بالانسىندا تۇر. پايداعا اسىپ تا جاتىر. ارنايى بىرنەشە رەت بارىپ ءوز كوزىممەن كوردىم. جالتىراعان جايلى باسپانالاردا مۇنايشىلار ەشقانداي شاعىمى جوق تۇرىپ جاتىر. بىراق, سوعان قاراماستان, «ۆيكر پليۋس» تاۋارلاردىڭ ۇساق-تۇيەك اقاۋلارى بار دەگەندى جەلەۋ ەتىپ, بىزگە تيەسىلى اقشانى بەرمەۋدە. نەگىزى مۇنداي شاعىمدى بىزگە «وزەنمۇنايگاز» ايتۋى كەرەك ەدى. «وزەنمۇنايگاز» ءبىزدىڭ جاساعان تاۋارلارىمىزدىڭ ساپاسىنا كوڭىلى تولماي, «ۆيكر پليۋسكە» قايتارىپ جاتسا ءبىر ءجون...» دەپ ماسەلەنى كومپانيا باسشىسى وسىلاي باياندادى.
ن.قۇسايىنعازى ۇلىنىڭ شاعىمىن تىڭداپ, دىبىس تاسپاعا باسىپ العان سوڭ, اتالعان داۋعا قاتىستى بارلىق قۇجاتتار مەن سوت شەشىمدەرىن قاراپ شىقتىق. ارينە, سوت شەشىمىنە ءشۇبا كەلتىرۋدەن اۋلاقپىز. دەسەك تە, ءبىر ءىس بويىنشا ءبىر سوتتىڭ ەكى ءتۇرلى شەشىم شىعارۋى بۇل داۋدىڭ قانشالىقتى شىتىرمان ەكەنىن اڭعارتقانداي.
انىعىندا, بۇل داۋدا «وزەنمۇنايگاز» تاپسىرىس بەرۋشى ءبىرىنشى تاراپ بولسا, ال, «ۆيكر پليۋس» تاپسىرىستى ورىنداۋشى ەكىنشى تاراپ. الايدا, «ۆيكر پليۋس» ءوزىنىڭ تەندەردە جەڭىسكە جەتكەنىن پايدالانىپ, ءۇشىنشى تاراپ «KEREGE HOMES» جشس پەن كەلىسىمشارتقا وتىرۋى جاعدايدىڭ شيەلەنىسۋىنە سەبەپ بولعانداي. بالكىم, «ۆيكر پليۋس» «KEREGE HOMES» كومپانياسىمەن اراداعى ىسكەرلىك قاتىناسقا سىزات تۇسىرمەي, كەلىسىمشارتتىڭ بارلىق تالاپتارىن بۇلجىتپاي ورىنداعاندا ورتاق ءىستىڭ اقىرى ءۇش تاراپقا تەك پايدا اكەلەر مە ەدى؟ دەسەك تە, ازىرگە باستاپقى ەكى تاراپتىڭ ەسەبى تۇگەل, الايدا, «مىندەتىمىزدى ءمىنسىز ورىندادىق» دەگەن «KEREGE HOMES» جشس-ءتىڭ شاش-ەتەكتەن زيان شەگۋى قانشالىقتى ءادىل؟
جوعارىدا اتالعان كەلىسىمشارتتى قولىمىزعا الىپ, مۇقيات وقىپ تا شىقتىق. وندا «ۆيكر پليۋس» ديرەكتورى ر.كرىجانيۋك ساتىپ الۋشى, «KEREGE HOMES» ديرەكتورى ن.قۇسايىنعازى ۇلى جەتكىزۋشى رەتىندە قولدارىن قويىپ, مورلەرىن باسقان. قابىلداپ الۋ-وتكىزۋ اكتىسى مەن ورىندالعان جۇمىس اكتىسىندە دە ءدال وسى ەكى باسشىنىڭ قولدارى مەن مورلەرى سايراپ تۇر. بۇل قۇجات «وزەنمۇنايگازدىڭ» تاپسىرىسى بويىنشا جاسالعان جىلجىمالى ۇيلەردى قابىلداپ الۋ-وتكىزۋ كەزىندە ەشقانداي زاڭبۇزۋشىلىق ورىن الماعاندىعىنىڭ بىردەن-ءبىر ايعاعى دەسە دە بولادى.
كەلىسىمشارت بويىنشا بارلىق تالاپتاردى ورىنداعانىن كولدەنەڭ تارتقان ارىز يەسى, «ۆيكر پليۋس» كەلىسىمشارتتىڭ 4.2.3 بولىگىن ورەسكەل بۇزعانىن ايتادى. كەلىسىمشارتتىڭ وسى بولىگىندە جەتكىزىلگەن ءونىمنىڭ 90 پايىز قۇنىن ءونىمدى قابىلداپ الۋ-بەرۋ اكتىسىنە ەكى تاراپتىڭ باسشىلارى قولدارىن قويىپ, مورلەرىن باسقان ۋاقىتتان باستاپ, بانكتىك بەس كۇننىڭ ىشىندە ساتىپ الۋشى جەتكىزۋشىگە تولەۋى ءتيىس ەكەندىگى تايعا تاڭبا باسىلعانداي جازىلعان. ولاي بولسا, «ۆيكر ءپليۋستىڭ» كەلىسىمشارتتىڭ نەگىزگى تالابىن بەس كۇن تۇگىل, ءبىر جارىم جىلدان كەيىن دە ورىنداماۋىنا نە سەبەپ؟
بۇل ساۋالىمىزعا ءبىز جاۋاپتى ماڭعىستاۋ وبلىستىق اۋدانارالىق مامانداندىرىلعان سوتتىڭ شەشىمىنەن ىزدەدىك. اۋەلى, «ۆيكر پليۋس» «KEREGE HOMES» جشس-ىنەن قابىلداپ الىنعان ساپاسىز تاۋارلاردى باسقاسىنا اۋىستىرۋ تۋرالى اتالعان وبلىستىق سوتقا تالاپ ارىز تۇسىرەدى. 2014 جىلى 16 مامىردا ماڭعىستاۋ وبلىستىق اۋدانارالىق مامانداندىرىلعان سوتى ازاماتتىق ءىس قوزعاپ, 09.06.2014 جىلى «ۆيكر ءپليۋستىڭ» تالاپ ارىزى نەگىزىندە كەشەندى سوت-قۇرىلىس ساراپتاماسىن تاعايىنداۋعا ۇيعارىم شىعارادى. ءادىلەت مينيسترلىگى سوت ساراپتاما ورتالىعى ماڭعىستاۋ وبلىستىق سسي-نىڭ 04.09.2014 جىلعى №1082 ساراپتاۋ قورىتىندىسى بويىنشا داۋلى تاۋارلاردىڭ «ساپاسى تالاپقا ساي ەمەس» دەپ تانىلادى. الايدا, اتالعان سوت ساراپتاماسىن مۇقيات قاراۋ بارىسىندا, بىرقاتار تۇسىنىكسىز دەرەكتەردى كوزىمىز شالدى. بىرىنشىدەن, ساراپتاۋ بارىسىندا ماماندار «ۆيكر پليۋس» پەن «KEREGE HOMES» اراسىنداعى كەلىسىمشارتتاردا كورسەتىلگەن تالاپتارعا ەمەس, «KEREGE HOMES» جارنامالىق بۋكلەتتەرىنە كوبىرەك كوڭىل ءبولگەنگە ۇقسايدى. ءتىپتى, تاراپتار اراسىنداعى زاڭدىق قۇجاتتاردىڭ بىردە-بىرىندە اتى اتالماعان قاراپايىم بۋكلەتتىڭ ساراپتاماعا قانداي قاتىسى بارىن بىلە المادىق. ەكىنشىدەن, 27.08.2014 جىلى ساراپشى مامانداردىڭ قاتىسۋىمەن وتكەن زەرتتەۋگە «ۆيكر ءپليۋستىڭ» عانا ارنايى وكىلى قاتىسىپ, ال, «KEREGE HOMES» پەن «وزەنمۇنايگازدان» ەشكىمنىڭ قاتىسپاعانى قالاي؟
اتالعان ساراپتامانى باسشىلىققا العان وبلىستىق سوت «ۆيكر ءپليۋستىڭ» پايداسىنا شەشىم شىعارادى. بۇعان نارازى بولعان «KEREGE HOMES» قاراپ قالماي, الماتى قالالىق مامانداندىرىلعان اۋدانارالىق سوتقا تالاپ ارىز تۇسىرەدى.
داۋدىڭ بۇدان ءارى قالاي وربىگەنىن ن. قۇسايىنعازى ۇلى جالعاسا, «2014 جىلدىڭ 9 ماۋسىمىندا الماتى قالالىق اۋدانارالىق مامانداندىرىلعان ەكونوميكالىق سوتقا بەردىك. ءىس ءتورت ايعا جۋىق قارالىپ, 22 تامىزدا ءبىزدىڭ پايدامىزعا سوت شەشىمى شىقتى. الايدا, سوت شەشىمىمەن كەلىسپەگەن «ۆيكر پليۋس» اپەللياتسياعا بەردى. اپەللياتسيادا ءىس ەكى ايعا جۋىق قارالىپ, ءدال سوت شەشىمى شىعاتىن كۇنى «ۆيكر پليۋس» نەگە ەكەنى بەلگىسىز اياقاستى شاعىمدارىن اپەللياتسيالىق ساتىدان ارىزىن كەرى قايتارىپ الدى. بىراق, اپەللياتسيالىق سوت الماتى مامانداندىرىلعان ەكونوميكالىق سوتتىڭ شەشىمىن كۇشىندە قالدىردى. ءسويتىپ, اپەللياتسيالىق سوتتىڭ شەشىمى ورىنداۋعا كەتكەن ەدى, الايدا, «ۆيكر پليۋس» كاسساتسيالىق سوتقا جۇگىندى. ءوز كەزەگىندە, كاسساتسيالىق سوت الماتى قالالىق مامانداندىرىلعان ەكونوميكالىق سوتتىڭ شەشىمىن قايتا قاراۋعا جىبەردى. سونىمەن نە كەرەك, الماتى قالالىق مامانداندىرىلعان ەكونوميكالىق سوتتىڭ سۋدياسى گ.مەيرجانوۆا ءىستى قايتا قاراپ, 2015 جىلدىڭ 13 مامىرىندا شەشىم شىعاردى. گ.مەيرجانوۆانىڭ شەشىمى بويىنشا ءبىزدىڭ تالاپ ارىزىمىز قاناعاتتاندىرۋسىز قالدىرىلدى. سەبەبىن ءتۇسىنبەدىك. زاڭ بويىنشا سۇراۋ سالىپ ەدىك, سۋديا گ.مەيرجانوۆا جازباشا تۇسىنىكتەمە بەرۋدەن باس تارتتى» دەدى.
سوت وندىرىسىنە تۇسكەن تالاپ ارىزدا «ۆيكر ءپليۋستىڭ» «KEREGE HOMES» جشس-نە بەرەشەگى 123 ميلليون بولسا, ءوسىم پۇل 15 ميلليون 500 مىڭ, مەملەكەتتىك باج سالىعى 4 ميلليون 155 مىڭ تەڭگە ەكەن. ميلليونداعان تەڭگەگە قاتىستى داۋدىڭ ەسەبى مەن ماسەلەنىڭ اق-قاراسىن قۇزىرلى ورگاندار انىقتاي جاتار. ال, ءبىز داۋلى ىسكە قاتىستى قۇجاتتاردى اقتارۋ بارىسىندا «ۆيكر پليۋس» تەندەر ارقىلى قول جەتكىزگەن قىرۋار قارجىنى الۋعا قانشالىقتى ەڭبەك ءسىڭىردى جانە «KEREGE HOMES» جشس-ىنە تيەسىلى ميلليوندار قازىر قايدا؟» دەگەن سۇراققا جاۋاپ ىزدەگەن ەدىك.
P.S. تاعى دا, قۇجاتتاردى اقتارۋ بارىسىندا «ۆيكر ءپليۋستىڭ» بانكتەگى قارجىلىق وپەراتسيالارى جايلى انىقتاما قولىمىزعا ءتۇستى. ارينە, ميلليونداعان قارجى اينالىمىنىڭ ەسەبىنە جەتۋ مۇمكىن ەمەس شىعار. الايدا, جىلجىمالى ءۇيدى جاساۋشىلارعا تولەنۋى ءتيىس ميلليوندار «ۆيكر ءپليۋستىڭ», ەنشىلەس كومپانيالارى «اقتاۋ گرودستروي», «كاسپي ترانسكوم», «كرجانوك ۆ.ي», «كرىجانوك ر.ۆ», «ابىلكايىرۆ ك», ت.ب ەسەپ-شوتىنا اۋدارىلىپتى. سونداي-اق, «ۆيكر پليۋس» پەن «KEREGE HOMES» اراسىنداعى كەلىسىمشارتتار رەسەي «جيناق بانكى» ەنشىلەس بانكىنە كەزىندە كەپىلگە قويىلىپ, «ۆيكر پليۋس» نەسيە راسىمدەگەن ەكەن.
كاميلا ىسقاقوۆا,
جۋرناليست.
الماتى.
«ادىلدىك ىزدەپ كەلدىم» دەگەن ن.قۇسايىنعازى ۇلى ءسوزىنىڭ راستىعىنا كوز جەتكىزۋىمىز ءۇشىن ءتيىستى قۇجاتتاردى قاراپ شىعۋىمىزدى ءوتىندى. ءبىز ءوز كەزەگىندە كومپانيا باسشىسى ىزگەن ءادىلدىكتىڭ استارىنا ءۇڭىلىپ, قات-قات قۇجاتتاردى اقتارعاننان كەيىن انىقتاعانىمىزدى قالىڭ وقىرماننىڭ نازارىنا ۇسىنىپ وتىرمىز.
ءسوز كەزەگىن الدىمەن ن.قۇسايىنعازى ۇلىنىڭ وزىنە بەرسەك: – «2013 جىلدىڭ قازان ايىندا «وزەنمۇنايگاز» اق ەلەكتروندى اشىق تەندەر وتكىزەدى. تەندەرگە تۇسكەن دۇنيە مۇناي سالاسىنا قاجەتتى جىلجىمالى ۇيلەر. وسى تەندەرگە اقتاۋ قالاسىنداعى «ۆيكر پليۋس» جشس-ءى قاتىسىپ, ۇتادى. بىراق, بۇل كومپانيانىڭ مۇنداي ءموبيلدى جىلجىمالى ۇيلەردى جاساۋعا ليتسەنزياسى دا تاجىريبەسى دە جوق. سوعان قاراماستان, ولار جىلجىمالى ۇيلەردى جوبالاۋ, جاساۋ, جەتكىزۋ بويىنشا «وزەنمۇنايگاز» اق جاريالاعان تەندەردە جەڭىسكە جەتەدى. بۇل كومپانيا تەندەرگە دەيىن بىزگە حابارلاسىپ, جوعارىداعى تەندەرگە قاتىساتىنى جايلى, جەڭىسكە جەتكەن جاعدايدا ءبىزدىڭ كومپانيانىڭ كومەگىنە جۇگىنەتىندىكتەرى تۋرالى ايتىپ, ءتىپتى, الدىن-الا كەلىسىمشارتقا دا وتىرعان بولاتىنبىز. وسىلايشا, «ۆيكر پليۋس» تەندەردى ۇتىسىمەن بىردەن الماتىعا بىزگە كەلدى. ولاردىڭ ۇسىنىستارىن قاراپ, 23.10.2013 جىلى «ۆيكر پليۋسپەن» ورتاق كەلىسىمشارتقا وتىردىق. كەلىسىمشارت بويىنشا «وزەنمۇنايگاز» اق-تىڭ تاپسىرىسىن ورىنداۋدى جارتىلاي ءبىز موينىمىزعا الىپ, «ۆيكر پليۋس» ءبىزدىڭ جۇمىسىمىزعا № ۆيكر 15-11/13-1 كەلىسىمشارتى بويىنشا 29 ميلليون 450 مىڭ تەڭگە, № ۆيكر 21-10/13-1 كەلىسىمشارتىنا ساي 62 ميلليون 309 مىڭ 980 تەڭگە, № ۆيكر 21-10/13-2 كەلىسىمشارتى بويىنشا 63 ميلليون 240 مىڭ تەڭگە تولەۋگە ءمىندەتتەمە الدى. مەن باسقاراتىن «KEREGE HOMES» جشس بىردەن ىسكە كىرىسىپ, اتالعان تاپسىرىستى مەجەلەنگەن ۋاقىتتا تولىقتاي اياقتاپ, 31.01.2014 جىلى وتكىزىپ بەرۋ-قابىلداپ الۋ اكتىسى جانە ورىندالعان جۇمىس اكتىسىمەن تاۋارلاردى «ۆيكر پليۋسكە» وتكىزدىك. وسىلايشا, ولار بىزگە كەلىسىمشارتتا كورسەتىلگەن تالاپقا ساي بانكتىك بەس كۇننىڭ ىشىندە اتقارىلعان جۇمىسىمىزدىڭ 90 پايىز اقىسىن ەسەپشوتىمىزعا اۋدارۋى ءتيىس ەدى. الايدا, سول قاراجاتتى «ۆيكر پليۋس» كۇنى بۇگىنگە دەيىن تولەمەي, ءبىزدى زاڭعا جۇگىنۋگە ءماجبۇر ەتۋدە. كومپانيامىزدىڭ كاسىبى وسى كەلەڭسىز جاعدايدان كەيىن كەرى كەتىپ, شىعىنعا باتۋدا.
«ۆيكر ءپليۋستىڭ» «اقشا ءالى تۇسكەن جوق» دەگەن سىلتاۋى ءبىتپەگەن سوڭ, 2014 جىلى 20 ساۋىردە «وزەنمۇنايگاز» اق-تىڭ بۋحگالتەرياسىنا ءوزىمىز قوڭىراۋ شالدىق. ولار بىزگە ەڭ سوڭعى اقشانى «ۆيكر ءپليۋستىڭ» ەسەپ شوتىنا 4 ساۋىردە اۋدارعاندارىن, «ۆيكر پليۋسپەن» تولىقتاي ەسەپ ايىرىسقاندىقتارىن ايتتى. سودان كەيىن, ءبىز اقتاۋعا «ۆيكر پليۋسكە» باردىق. سول ۋاقىتتا ولار بىزدەن قابىلداپ الىنعان زاتتاردىڭ بارلىعىن «وزەنمۇنايعا» وتكىزىپ, ءتيىستى اقشالارىن 100 پايىز العانى دا راستالدى. ءبىز جاساعان سول زاتتار قازىرگى تاڭدا «وزەنمۇنايگاز» اق-تىڭ بالانسىندا تۇر. پايداعا اسىپ تا جاتىر. ارنايى بىرنەشە رەت بارىپ ءوز كوزىممەن كوردىم. جالتىراعان جايلى باسپانالاردا مۇنايشىلار ەشقانداي شاعىمى جوق تۇرىپ جاتىر. بىراق, سوعان قاراماستان, «ۆيكر پليۋس» تاۋارلاردىڭ ۇساق-تۇيەك اقاۋلارى بار دەگەندى جەلەۋ ەتىپ, بىزگە تيەسىلى اقشانى بەرمەۋدە. نەگىزى مۇنداي شاعىمدى بىزگە «وزەنمۇنايگاز» ايتۋى كەرەك ەدى. «وزەنمۇنايگاز» ءبىزدىڭ جاساعان تاۋارلارىمىزدىڭ ساپاسىنا كوڭىلى تولماي, «ۆيكر پليۋسكە» قايتارىپ جاتسا ءبىر ءجون...» دەپ ماسەلەنى كومپانيا باسشىسى وسىلاي باياندادى.
ن.قۇسايىنعازى ۇلىنىڭ شاعىمىن تىڭداپ, دىبىس تاسپاعا باسىپ العان سوڭ, اتالعان داۋعا قاتىستى بارلىق قۇجاتتار مەن سوت شەشىمدەرىن قاراپ شىقتىق. ارينە, سوت شەشىمىنە ءشۇبا كەلتىرۋدەن اۋلاقپىز. دەسەك تە, ءبىر ءىس بويىنشا ءبىر سوتتىڭ ەكى ءتۇرلى شەشىم شىعارۋى بۇل داۋدىڭ قانشالىقتى شىتىرمان ەكەنىن اڭعارتقانداي.
انىعىندا, بۇل داۋدا «وزەنمۇنايگاز» تاپسىرىس بەرۋشى ءبىرىنشى تاراپ بولسا, ال, «ۆيكر پليۋس» تاپسىرىستى ورىنداۋشى ەكىنشى تاراپ. الايدا, «ۆيكر پليۋس» ءوزىنىڭ تەندەردە جەڭىسكە جەتكەنىن پايدالانىپ, ءۇشىنشى تاراپ «KEREGE HOMES» جشس پەن كەلىسىمشارتقا وتىرۋى جاعدايدىڭ شيەلەنىسۋىنە سەبەپ بولعانداي. بالكىم, «ۆيكر پليۋس» «KEREGE HOMES» كومپانياسىمەن اراداعى ىسكەرلىك قاتىناسقا سىزات تۇسىرمەي, كەلىسىمشارتتىڭ بارلىق تالاپتارىن بۇلجىتپاي ورىنداعاندا ورتاق ءىستىڭ اقىرى ءۇش تاراپقا تەك پايدا اكەلەر مە ەدى؟ دەسەك تە, ازىرگە باستاپقى ەكى تاراپتىڭ ەسەبى تۇگەل, الايدا, «مىندەتىمىزدى ءمىنسىز ورىندادىق» دەگەن «KEREGE HOMES» جشس-ءتىڭ شاش-ەتەكتەن زيان شەگۋى قانشالىقتى ءادىل؟
جوعارىدا اتالعان كەلىسىمشارتتى قولىمىزعا الىپ, مۇقيات وقىپ تا شىقتىق. وندا «ۆيكر پليۋس» ديرەكتورى ر.كرىجانيۋك ساتىپ الۋشى, «KEREGE HOMES» ديرەكتورى ن.قۇسايىنعازى ۇلى جەتكىزۋشى رەتىندە قولدارىن قويىپ, مورلەرىن باسقان. قابىلداپ الۋ-وتكىزۋ اكتىسى مەن ورىندالعان جۇمىس اكتىسىندە دە ءدال وسى ەكى باسشىنىڭ قولدارى مەن مورلەرى سايراپ تۇر. بۇل قۇجات «وزەنمۇنايگازدىڭ» تاپسىرىسى بويىنشا جاسالعان جىلجىمالى ۇيلەردى قابىلداپ الۋ-وتكىزۋ كەزىندە ەشقانداي زاڭبۇزۋشىلىق ورىن الماعاندىعىنىڭ بىردەن-ءبىر ايعاعى دەسە دە بولادى.
كەلىسىمشارت بويىنشا بارلىق تالاپتاردى ورىنداعانىن كولدەنەڭ تارتقان ارىز يەسى, «ۆيكر پليۋس» كەلىسىمشارتتىڭ 4.2.3 بولىگىن ورەسكەل بۇزعانىن ايتادى. كەلىسىمشارتتىڭ وسى بولىگىندە جەتكىزىلگەن ءونىمنىڭ 90 پايىز قۇنىن ءونىمدى قابىلداپ الۋ-بەرۋ اكتىسىنە ەكى تاراپتىڭ باسشىلارى قولدارىن قويىپ, مورلەرىن باسقان ۋاقىتتان باستاپ, بانكتىك بەس كۇننىڭ ىشىندە ساتىپ الۋشى جەتكىزۋشىگە تولەۋى ءتيىس ەكەندىگى تايعا تاڭبا باسىلعانداي جازىلعان. ولاي بولسا, «ۆيكر ءپليۋستىڭ» كەلىسىمشارتتىڭ نەگىزگى تالابىن بەس كۇن تۇگىل, ءبىر جارىم جىلدان كەيىن دە ورىنداماۋىنا نە سەبەپ؟
بۇل ساۋالىمىزعا ءبىز جاۋاپتى ماڭعىستاۋ وبلىستىق اۋدانارالىق مامانداندىرىلعان سوتتىڭ شەشىمىنەن ىزدەدىك. اۋەلى, «ۆيكر پليۋس» «KEREGE HOMES» جشس-ىنەن قابىلداپ الىنعان ساپاسىز تاۋارلاردى باسقاسىنا اۋىستىرۋ تۋرالى اتالعان وبلىستىق سوتقا تالاپ ارىز تۇسىرەدى. 2014 جىلى 16 مامىردا ماڭعىستاۋ وبلىستىق اۋدانارالىق مامانداندىرىلعان سوتى ازاماتتىق ءىس قوزعاپ, 09.06.2014 جىلى «ۆيكر ءپليۋستىڭ» تالاپ ارىزى نەگىزىندە كەشەندى سوت-قۇرىلىس ساراپتاماسىن تاعايىنداۋعا ۇيعارىم شىعارادى. ءادىلەت مينيسترلىگى سوت ساراپتاما ورتالىعى ماڭعىستاۋ وبلىستىق سسي-نىڭ 04.09.2014 جىلعى №1082 ساراپتاۋ قورىتىندىسى بويىنشا داۋلى تاۋارلاردىڭ «ساپاسى تالاپقا ساي ەمەس» دەپ تانىلادى. الايدا, اتالعان سوت ساراپتاماسىن مۇقيات قاراۋ بارىسىندا, بىرقاتار تۇسىنىكسىز دەرەكتەردى كوزىمىز شالدى. بىرىنشىدەن, ساراپتاۋ بارىسىندا ماماندار «ۆيكر پليۋس» پەن «KEREGE HOMES» اراسىنداعى كەلىسىمشارتتاردا كورسەتىلگەن تالاپتارعا ەمەس, «KEREGE HOMES» جارنامالىق بۋكلەتتەرىنە كوبىرەك كوڭىل ءبولگەنگە ۇقسايدى. ءتىپتى, تاراپتار اراسىنداعى زاڭدىق قۇجاتتاردىڭ بىردە-بىرىندە اتى اتالماعان قاراپايىم بۋكلەتتىڭ ساراپتاماعا قانداي قاتىسى بارىن بىلە المادىق. ەكىنشىدەن, 27.08.2014 جىلى ساراپشى مامانداردىڭ قاتىسۋىمەن وتكەن زەرتتەۋگە «ۆيكر ءپليۋستىڭ» عانا ارنايى وكىلى قاتىسىپ, ال, «KEREGE HOMES» پەن «وزەنمۇنايگازدان» ەشكىمنىڭ قاتىسپاعانى قالاي؟
اتالعان ساراپتامانى باسشىلىققا العان وبلىستىق سوت «ۆيكر ءپليۋستىڭ» پايداسىنا شەشىم شىعارادى. بۇعان نارازى بولعان «KEREGE HOMES» قاراپ قالماي, الماتى قالالىق مامانداندىرىلعان اۋدانارالىق سوتقا تالاپ ارىز تۇسىرەدى.
داۋدىڭ بۇدان ءارى قالاي وربىگەنىن ن. قۇسايىنعازى ۇلى جالعاسا, «2014 جىلدىڭ 9 ماۋسىمىندا الماتى قالالىق اۋدانارالىق مامانداندىرىلعان ەكونوميكالىق سوتقا بەردىك. ءىس ءتورت ايعا جۋىق قارالىپ, 22 تامىزدا ءبىزدىڭ پايدامىزعا سوت شەشىمى شىقتى. الايدا, سوت شەشىمىمەن كەلىسپەگەن «ۆيكر پليۋس» اپەللياتسياعا بەردى. اپەللياتسيادا ءىس ەكى ايعا جۋىق قارالىپ, ءدال سوت شەشىمى شىعاتىن كۇنى «ۆيكر پليۋس» نەگە ەكەنى بەلگىسىز اياقاستى شاعىمدارىن اپەللياتسيالىق ساتىدان ارىزىن كەرى قايتارىپ الدى. بىراق, اپەللياتسيالىق سوت الماتى مامانداندىرىلعان ەكونوميكالىق سوتتىڭ شەشىمىن كۇشىندە قالدىردى. ءسويتىپ, اپەللياتسيالىق سوتتىڭ شەشىمى ورىنداۋعا كەتكەن ەدى, الايدا, «ۆيكر پليۋس» كاسساتسيالىق سوتقا جۇگىندى. ءوز كەزەگىندە, كاسساتسيالىق سوت الماتى قالالىق مامانداندىرىلعان ەكونوميكالىق سوتتىڭ شەشىمىن قايتا قاراۋعا جىبەردى. سونىمەن نە كەرەك, الماتى قالالىق مامانداندىرىلعان ەكونوميكالىق سوتتىڭ سۋدياسى گ.مەيرجانوۆا ءىستى قايتا قاراپ, 2015 جىلدىڭ 13 مامىرىندا شەشىم شىعاردى. گ.مەيرجانوۆانىڭ شەشىمى بويىنشا ءبىزدىڭ تالاپ ارىزىمىز قاناعاتتاندىرۋسىز قالدىرىلدى. سەبەبىن ءتۇسىنبەدىك. زاڭ بويىنشا سۇراۋ سالىپ ەدىك, سۋديا گ.مەيرجانوۆا جازباشا تۇسىنىكتەمە بەرۋدەن باس تارتتى» دەدى.
سوت وندىرىسىنە تۇسكەن تالاپ ارىزدا «ۆيكر ءپليۋستىڭ» «KEREGE HOMES» جشس-نە بەرەشەگى 123 ميلليون بولسا, ءوسىم پۇل 15 ميلليون 500 مىڭ, مەملەكەتتىك باج سالىعى 4 ميلليون 155 مىڭ تەڭگە ەكەن. ميلليونداعان تەڭگەگە قاتىستى داۋدىڭ ەسەبى مەن ماسەلەنىڭ اق-قاراسىن قۇزىرلى ورگاندار انىقتاي جاتار. ال, ءبىز داۋلى ىسكە قاتىستى قۇجاتتاردى اقتارۋ بارىسىندا «ۆيكر پليۋس» تەندەر ارقىلى قول جەتكىزگەن قىرۋار قارجىنى الۋعا قانشالىقتى ەڭبەك ءسىڭىردى جانە «KEREGE HOMES» جشس-ىنە تيەسىلى ميلليوندار قازىر قايدا؟» دەگەن سۇراققا جاۋاپ ىزدەگەن ەدىك.
P.S. تاعى دا, قۇجاتتاردى اقتارۋ بارىسىندا «ۆيكر ءپليۋستىڭ» بانكتەگى قارجىلىق وپەراتسيالارى جايلى انىقتاما قولىمىزعا ءتۇستى. ارينە, ميلليونداعان قارجى اينالىمىنىڭ ەسەبىنە جەتۋ مۇمكىن ەمەس شىعار. الايدا, جىلجىمالى ءۇيدى جاساۋشىلارعا تولەنۋى ءتيىس ميلليوندار «ۆيكر ءپليۋستىڭ», ەنشىلەس كومپانيالارى «اقتاۋ گرودستروي», «كاسپي ترانسكوم», «كرجانوك ۆ.ي», «كرىجانوك ر.ۆ», «ابىلكايىرۆ ك», ت.ب ەسەپ-شوتىنا اۋدارىلىپتى. سونداي-اق, «ۆيكر پليۋس» پەن «KEREGE HOMES» اراسىنداعى كەلىسىمشارتتار رەسەي «جيناق بانكى» ەنشىلەس بانكىنە كەزىندە كەپىلگە قويىلىپ, «ۆيكر پليۋس» نەسيە راسىمدەگەن ەكەن.
كاميلا ىسقاقوۆا,
جۋرناليست.
الماتى.
