مەرەكەنى قالاي قولجەتىمدى باعاعا تويلاۋعا بولادى؟

تازا اۋادا كوبىرەك ۋاقىت وتكىزىڭىز

جاڭا جىلدى جانە دەمالىستى مىندەتتى تۇردە قىمبات مەيرامحانالاردا قارسى الۋ شارت ەمەس. كەرىسىنشە, دالاعا شىعىپ, تەگىن نەمەسە ارزان ويىن-ساۋىق تۇرلەرىن تاڭداعان الدەقايدا تيىمدىرەك.

مىسالى:

• كونكي تەبۋ;
• قىسقى ساياباقتاردا سەرۋەندەۋ;
• جاڭاجىلدىق جارمەڭكەلەردى ارالاۋ;
• تەگىن شەبەرلىك ساباقتارىنا قاتىسۋ;
• شاڭعى تەبۋ;
• بالالارمەن نەمەسە وتباسىمەن مۇز ايدىندارىنا بارۋ. 

مۇنداي دەمالىس پايدالى, ءارى كوڭىلدى وتەتىنى انىق.

جاڭا جىل مەرەكەسى قارساڭىندا استانا مەن الماتىدا قانداي ءىس-شارالار وتەدى؟

قىسقا ساپارعا شىعىڭىز

ەگەر جاڭاجىلدىق دەمالىستا ساياحاتتاۋدى جوسپارلاساڭىز, بيۋدجەتتىك نۇسقالاردى قاراستىرىڭىز. ۇشاق بيلەتتەرى مەن قوناقۇيلەردىڭ باعاسىن سالىستىراتىن سايتتاردى پايدالانىپ, الدىن الا برون جاساپ, جەڭىلدىكتەردى قاداعالاۋعا كەڭەس بەرىلەدى.

سونداي-اق پويىزبەن نەمەسە اۆتوبۋسپەن جاقىن قالالار مەن وڭىرلەرگە بارۋدى ويلاستىرۋعا بولادى. كوبىنە كورشى قالاعا جاسالعان قىسقا ءارى مازمۇندى ساپار ۇزاق, بىراق قىزىقسىز دەمالىستان كەم اسەر قالدىرمايدى.

سىيلىقتى ءوز قولىڭىزدان دايىنداڭىز

سىيلىق ساتىپ الۋ – ەڭ كوپ شىعىندالاتىن تۇستاردىڭ ءبىرى. قىمبات زاتتاردىڭ ورنىنا قولدان جاسالعان سىيلىقتار دايىنداپ كورىڭىز.

بۇل تاتتىلەر, اشىقحاتتار, اشەكەيلەر نەمەسە توقىما بۇيىمدارى بولۋى مۇمكىن. مۇنداي سىيلىقتار ارزان عانا ەمەس, سونىمەن قاتار ەرەكشە ءارى جۇرەكتەن شىققان سىيلىق بولىپ سانالادى.

قولدان جاسالاتىن سىيلىقتارعا بىرنەشە يدەيا:

• شىرشا ويىنشىعى – ەرەكشە بەزەندىرىلگەن ويىنشىق;

• توقىما بۇيىمدار – شارف, قولعاپ نەمەسە ش ۇلىق;

• فوتوسۋرەت جاقتاۋى – قاراپايىم رامكانى ساندەۋ;

• قولدان ءتاتتى تورت نەمەسە ءبالىش ءپىسىرۋ;

• دەكوراتيۆتى جاستىقتار;

• گۇل قۇمىراسى;

• بلوكنوت نەمەسە كۇندەلىك;

• پوستەرلەر مەن سۋرەتتەر;

• جەكە كۇنتىزبە.

ەڭ باستىسى – كوڭىل ءبولۋ. شىن نيەتپەن جاسالعان كەز كەلگەن سىيلىق جاقسى اسەر قالدىراتىنى ءسوزسىز.

جەڭىلدىكتەر پايدالانىڭىز

جاڭا جىل قارساڭىندا كوپتەگەن دۇكەندەر جەڭىلدىكتەر مەن ارنايى ۇسىنىستار جاسايدى. ازىق-ت ۇلىك پەن سىيلىقتارعا ارنالعان اكتسيالاردى الدىن الا باقىلاپ وتىرعان ءجون.

جاڭا جىل الدىندا اقشانى قالاي جوسپارلاعان دۇرىس؟

ينتەرنەت-دۇكەندەردە باعا كوبىنە ءتيىمدى بولادى. ونلاين پلاتفورمالاردان دا قىزىقتى ءارى ارزان تاۋارلار تابۋعا مۇمكىندىك بار.

ۇيدە مەرەكەلىك اتموسفەرا جاساڭىز

ۇيدە دوستارمەن نەمەسە تۋىستارمەن باس قوسۋ – ەڭ جىلى ءارى ەستە قالارلىق ءسات. تاماق پەن سۋسىن شىعىنىن بولىسۋگە, بىرگە اس دايىنداۋعا بولادى. بۇل تەك قارجىنى ۇنەمدەپ قانا قويماي, بىرلىك پەن كوڭىلدى اتموسفەرانى قالىپتاستىرادى.

سونىمەن قاتار ۇيدە:

• جاڭاجىلدىق فيلمدەر كورۋ;

• ۇستەل ويىندارىن ويناۋ;

• گيتارامەن شاعىن كونتسەرت ۇيىمداستىرۋ

ەڭ باستىسى − تىنىشتىق ەرەجەسىن ساقتاپ, كورشىلەرگە قولايسىزدىق تۋدىرماۋ.

مەرەكەنىڭ ءسانى جۇمسالعان اقشانىڭ كولەمىمەن ەمەس, بىرگە وتكىزگەن ۋاقىت پەن شىنايى كوڭىلمەن ولشەنەدى. قاراپايىم يدەيالار, الدىن الا جوسپارلاۋ جانە شىعارماشىلىق كوزقاراس ارقىلى جاڭا جىلدى دا, كەز كەلگەن مەرەكەنى دە قولجەتىمدى باعاعا ءارى ەرەكشە وتكىزۋگە بولادى. 

الەم ەلدەرى جاڭا جىلدى قالاي قارسى الادى؟