فوتو: gov.kz
دەمالىس جانە مەرەكە كۇندەرى شۇعىل جاعدايداعى ناۋقاستاردى قابىلداۋ, مەديتسينالىق تەكسەرۋ جۇرگىزۋ, رەتسەپت جازۋ جانە ۋاقىتشا ەڭبەككە جارامسىزدىق پاراقتارىن ۇزارتۋ قىزمەتى كورسەتىلەدى.
ەمحانالارداعى فيلتر-كابينەتتەر بەكىتىلگەن كەستەگە سايكەس كۇن سايىن ساعات 08:00-دەن 18:00-گە دەيىن جۇمىس ىستەيدى. شۇعىل مەديتسينالىق كومەك كورسەتۋ كابينەتتەرىنىڭ قىزمەتى تولىق كولەمدە ۇيىمداستىرىلادى.
ال ستاتسيونارلاردىڭ قابىلداۋ بولىمدەرى تاۋلىك بويى جۇمىس ىستەيدى. بەيىندى مامانداردىڭ, ورتا مەديتسينالىق پەرسونالدىڭ, سونداي-اق دياگنوستيكالىق قىزمەت كورسەتەتىن مامانداردىڭ دا (زەرتحانا, ساۋلەلىك دياگنوستيكا) كەزەكشىلىك ءتارتىبى بەكىتىلەدى. تۇرعىندار تاراپىنان مەديتسينالىق كومەككە جۇگىنۋ سانى ارتقان جاعدايدا مەديتسينا قىزمەتكەرلەرىنىڭ رەزەرۆتىك بريگادالارى دا الدىن الا جاساقتالعان.
«جەدەل مەديتسينالىق جاردەم مەن شۇعىل ارەكەت ەتۋ قىزمەتتەرى دە قالىپتى جۇمىس ىرعاعىنا ساي تاۋلىك بويى قىزمەت كورسەتەدى. ەمحانالار, ستاتسيونارلاردىڭ قابىلداۋ بولىمدەرى جانە جەدەل جاردەم قىزمەتى اراسىندا ءوزارا بايلانىس قامتاماسىز ەتىلگەن. مەرەكە كۇندەرى مەديتسينالىق ۇيىمداردىڭ جۇمىسى تاۋلىك بويى باقىلاۋدا بولادى», دەلىنگەن استانا قالاسى اكىمدىگى تاراتقان حابارلامادا.
ايتا كەتەيىك, مەرەكە كۇندەرى حقكو-لاردىڭ جۇمىس كەستەسىنە وزگەرىستەر ەنگىزىلدى.
