عيماراتتىڭ سالتاناتتى اشىلۋ راسىمىنە قازاقستان رەسپۋبليكاسىنىڭ قورعانىس ءمينيسترى داۋرەن قوسانوۆ پەن جامبىل وبلىسىنىڭ اكىمى ەربول قاراشوكەەۆ قاتىستى.
وبلىس اكىمى قۇتتىقتاۋ سوزىندە مەملەكەت باسشىسىنىڭ تاپسىرماسىنا سايكەس اۋماقتىق قورعانىس بريگاداسىنىڭ 99205 اسكەري ءبولىمىنىڭ جاۋىنگەرلىك دايىندىعىن قامتاماسىز ەتۋگە جانە ماتەريالدىق-تەحنيكالىق بازاسىن نىعايتۋعا ەرەكشە كوڭىل ءبولىنىپ وتىرعانىن اتاپ ءوتتى.
بيىل وبلىستىق بيۋدجەتتەن 182 ملن تەڭگە ءبولىنىپ, ءبىر وقۋ-جاتتىعۋ جيىنى وتكىزىلدى, سونداي-اق قاجەتتى ماتەريالدىق-تەحنيكالىق م ۇلىكتەر ساتىپ الىندى. كەلەر جىلى بۇل ماقساتقا وبلىستىق بيۋدجەتتەن 116 ملن تەڭگە قاراستىرىلعان.
سالتاناتتى ءىس-شارا بارىسىندا قاتىسۋشىلار نىساننىڭ لەنتاسىن قيىپ, كازارما عيماراتى مەن اسكەري تەحنيكا كورمەسىن ارالاپ كوردى.
قۇنى 2,2 ملرد تەڭگەنى قۇرايتىن كازارمانىڭ قۇرىلىسى 2024 جىلى باستالىپ, تولىق اياقتالدى. قازىرگى تاڭدا اۋماقتىق قورعانىس بريگاداسىنىڭ جەكە قۇرامى جاڭا عيماراتقا ورنالاستىرىلدى.
