فوتو: اشىق دەرەككوز
مەرەكەلىك تۇندە جەرگىلىكتى ءدامحانالاردىڭ بىرىنەن كەزەكشى بولىمگە حابارلاما تۇسكەن. قوناقتاردىڭ ءبىرى سىرت كيىمىن كيمەستەن, جالعىز جەيدەمەن دالاعا شىعىپ كەتكەن. سول ۋاقىتتا اۋا تەمپەراتۋراسى -30 گرادۋستان تومەن ءتۇسىپ تۇرعان.
حابار تۇسە سالىسىمەن پوليتسيا قىزمەتكەرلەرى جەدەل ىزدەۋ جۇمىستارىن باستادى. بۇلاندى اۋداندىق پوليتسيا ءبولىمىنىڭ جەكە قۇرامى دابىل قاعىپ, بىرنەشە كوشە مەن اۋلادا ءبىر مەزەتتە ىزدەۋ جۇرگىزدى. قاتتى ايازدا جەڭىل كيىنگەن ادامنىڭ ومىرىنە قاۋىپ ءتونۋى مۇمكىن ەكەنى پوليتسەيلەردى الاڭداتتى.
ىزدەۋ بارىسىندا جوعالعان ازاماتتىڭ ششۋچينسك قالاسىنىڭ تۇرعىنى ەكەنى جانە مەرەكەلىك ءىس-شاراعا كەلگەنى انىقتالدى. الدىن الا مالىمەتكە سايكەس, ول الكوگولدىك ىشىمدىك ىشكەننەن كەيىن باعدارىنان جاڭىلىپ, بەلگىسىز باعىتقا كەتىپ قالعان.
ەكى ساعاتقا سوزىلعان قارقىندى ىزدەۋ ناتيجەسىندە ەر ادام اۋدان كوشەلەرىنىڭ بىرىنەن ابدەن توڭعان كۇيىندە تابىلدى. پوليتسيا قىزمەتكەرلەرى وعان العاشقى مەديتسينالىق كومەك كورسەتىپ, جىلىتىپ, جاقىندارىنا تاپسىردى.
كەيىن قۇتقارىلعان ازامات پوليتسەيلەرگە العىسىن ءبىلدىرىپ, بەينەۇندەۋ جولدادى. ول ەكسترەمالدى اۋا رايى جاعدايىندا ءومىرىن ساقتاپ قالۋعا پوليتسيا قىزمەتكەرلەرىنىڭ جەدەل ارەكەتى مەن بەيجاي قاراماۋى سەبەپ بولعانىن اتاپ ءوتتى.
