فوتو: istockphoto.com
دەنساۋلىق ساقتاۋ ءمينيسترى اقمارال ءالنازاروۆا مەن جاپونيانىڭ قازاقستانداعى توتەنشە جانە وكىلەتتى ەلشىسى يدزيما ياسۋساما ۇكىمەتارالىق كەلىسىمدى ىسكە اسىرۋ تۋرالى قۇجاتقا قول قويدى. بولىنگەن قاراجات اباي وبلىسىنىڭ مەديتسينالىق ينفراقۇرىلىمىن دامىتۋعا جۇمسالادى. جوبا اياسىندا مىناداي جابدىقتار ساتىپ الۋ جوسپارلانعان:
- ماگنيتتى-رەزونانستىق توموگراف;
- كومپيۋتەرلىك توموگراف;
- ەندوسكوپيالىق قۇرىلعىلار;
- رەانيماتسيالىق جانە باسقا دا قاجەتتى جابدىقتار.
دەنساۋلىق ساقتاۋ مينيسترلىگىنىڭ مالىمەتىنشە, بۇل قادام ايماقتىق دەڭگەيدە مامانداندىرىلعان جانە جوعارى تەحنولوگيالىق مەديتسينالىق كومەك كورسەتۋ مۇمكىندىكتەرىن ايتارلىقتاي كەڭەيتەدى. بۇل اسىرەسە پوليگون زاردابىن شەككەن ازاماتتار ءۇشىن الەۋمەتتىك جانە گۋمانيتارلىق ماڭىزعا يە.
سونىمەن قاتار جاپونيا قازاقستانعا ء«شوپ تامىرى» (كورني تراۆى) باعدارلاماسى ارقىلى دا قولداۋ كورسەتىپ كەلەدى. قازىرگى ۋاقىتتا ەكى ەل اراسىندا كلينيكالىق زەرتتەۋلەردى, كادرلار دايارلاۋدى جانە جاساندى ينتەللەكت نەگىزىندەگى تەلەمەديتسينالىق شەشىمدەردى بىرىكتىرەتىن «Japan-Kazakhstan Medical Hub» جوباسىن قۇرۋ ماسەلەسى قاراستىرىلىپ جاتىر.
