ەلوردا اكىمدىگىنىڭ رەسمي سايتىنىڭ جازۋىنشا جول قوزعالىسىنىڭ قاۋىپسىزدىگىن قامتاماسىز ەتۋ ماقساتىندا جولداردىڭ ءجۇرۋ بولىگى, تروتۋارلار مەن جاياۋ جۇرگىنشىلەر ايماقتارى كوكتايعاققا قارسى ماتەريالدارمەن وڭدەلىپ, جۇمىستار تاۋلىك بويى جۇرگىزىلىپ جاتىر.
قالا تۇرعىندارى مەن قوناقتارىنا ساقتىق شارالارىن ساقتاۋ ۇسىنىلادى: كوشەدە قوزعالعان كەزدە, اسىرەسە جولدان ءوتۋ بارىسىندا مۇقيات بولۋ, تايمايتىن تابانى بار اياق كيىم كيۋ جانە مۇمكىندىگىنشە الىس جولعا شىقپاۋ قاجەت.
جۇرگىزۋشىلەرگە كورىنۋ دەڭگەيىنىڭ تومەندەۋىن جانە جولدىڭ تايعاق بولۋىن ەسكەرىپ, جىلدامدىق رەجيمىن جانە اراقاشىقتىقتى ساقتاۋ, سونداي-اق كولىكتىڭ تەحنيكالىق جاعدايىن جانە شينالاردىڭ اۋا رايىنا سايكەستىگىن تەكسەرۋ ەسكەرتىلەدى.
توتەنشە جاعدايلار تۋىنداعان جاعدايدا 112 ءنومىرى ارقىلى جەدەل قىزمەتتەرگە حابارلاسۋ قاجەت.
