ۆيتسە-ءمينيستردىڭ ايتۋىنشا, 2025 جىلى ستۋدەنتتەردى جاتاقحانامەن قامتۋ ماقساتىندا 10 740 ورىنعا ارنالعان 31 جاتاقحانانى ىسكە قوسۋ جوسپارلانعان.
ۆەدومستۆو دەرەگىنە سايكەس, جىل باسىنان بەرى 8 757 ورىندىق 26 جاتاقحانا پايدالانۋعا بەرىلگەن. ال جىل سوڭىنا دەيىن قوسىمشا 1 983 ورىنعا ارنالعان تاعى 5 جاتاقحانانى قولدانىسقا بەرۋ كوزدەلىپ وتىر.
سونىمەن قاتار گۇلزات كوبەنوۆا سوڭعى جىلدارى بۇل باعىتتا ايتارلىقتاي وڭ ديناميكا قالىپتاسقانىن اتاپ ءوتتى. اتاپ ايتقاندا, 2018 جىلدان بەرى ستۋدەنتتىك جاتاقحانالارداعى ورىن تاپشىلىعى 72,5%-عا قىسقارعان. ەگەر 2018-2019 وقۋ جىلىندا تاپشىلىق 61,4 مىڭ ورىندى قۇراسا, 2024-2025 وقۋ جىلىندا بۇل كورسەتكىش 16,9 مىڭ ورىنعا دەيىن ازايعان.
ۆيتسە-ءمينيستردىڭ سوزىنشە, اتالعان كورسەتكىشتەر ستۋدەنتتەردىڭ ءومىر ءسۇرۋ جاعدايىن جاقسارتۋعا جانە جوعارى ءبىلىمنىڭ قولجەتىمدىلىگىن ارتتىرۋعا باعىتتالعان مەملەكەتتىك ساياساتتىڭ ناقتى ناتيجەسىن كورسەتەدى.
