رادياتسيانىڭ اسەرى تالقىلاندى

«قازاقستاننىڭ يادرولىق قوعامى» قاۋىمداستىعىنىڭ اتقارۋشى ديرەكتورى ناتاليا جدانوۆا مەن «سەمەي-نەۆادا» انتيادرولىق قوزعالىسىنىڭ ۆيتسە-پرەزيدەنتى سۇلتان كارتوەۆ «كۇندەلىكتى تىرلىكتەگى رادياتسيانىڭ اسەرى» دەگەن تاقىرىپتا سەمينار وتكىزدى. ن.جدانوۆا رادياتسيا تاقى­رىبىنا توقتالىپ, قازاق­ستاندا سالىناتىن اەس-ءتىڭ ما­ڭىزدىلىعىن اتاپ ءوتتى. قاراپايىم تۇرعىندار اراسىندا اتوم ەنەرگياسىنىڭ قاجەتتىلىگىن تۇسىندىرۋدەمىز, دەدى ن.جدانوۆا, سوندىقتان دا ءاربىر سەمينار سايىن بەينەفيلمدەر كورسەتىپ, سلايدتار قولدانامىز. «نەۆادا-سەمەي» قوزعالىسىمەن تىعىز قارىم-قاتىناستا جۇمىس ىستەپ, سەمەي پوليگونىنان زارداپ شەك­كەن بالالارعا جازعى دەمالىس لاگەرىن دە بىرنەشە رەت ۇيىم­داستىردىق. «قازاقستاننىڭ يادرولىق قو­عامى» عىلىمي-كوپشىلىك جۋرنالى تۇراقتى تۇردە شىعىپ تۇرا­دى ەكەن. وندا وقىرمانعا قاجەتتى اقپاراتتىڭ بارلىعى بار. جاڭادان ۆەب-سايت تا اشىلىپ, حالىق نازارىنا ۇسىنىلعان. جيىندا نازارباەۆ زياتكەرلىك مەكتەبىندەگى 9 «F», 9 «س», 8 «س» سىنىپتارىنىڭ وقۋشىلارى ديانا كۋلگۋسكينا, يۋليا ماس­لوۆا, ءاليا تۇمانباەۆا, ءمادي رايىسوۆ, ارنۇر باتتالوۆ «Discovery planet» دەپ اتالاتىن زەرت­تەۋ جۇمىستارىن جۇرتشىلىق نازارىنا ۇسىندى. وقۋشىلار جاقىندا كۋرچا­توۆتاعى ۇلتتىق يادرولىق ور­تالىق ديرەكتورى ەرلان باتىر­بەكوۆپەن كەز­دەسۋگە دە بارىپ قاي­تىپتى. ە.با­تىربەكوۆ دارىن­دى وقۋشىلارعا قولداۋ كورسە­تەتىندىگىن ايتقان. راۋشان نۇعمانبەكوۆا. سەمەي.