فوتو: اشىق دەرەككوز
Reuters اگەنتتىگىنىڭ مالىمەتىنشە, جاتتىعۋ بارىسىندا اۋە مەن تەڭىز كەڭىستىگىن پاترۋلدەۋ جانە جوعارى جاۋىنگەرلىك دايىندىق دەڭگەيى پىسىقتالادى. وسىعان بايلانىستى ارال ماڭىنداعى بەس ايماقتا 10 ساعات بويى كولىك قاتىناسىنا شەكتەۋ قويىلماق. بۇل 2022 جىلدان بەرگى التىنشى ءىرى اسكەري دايىندىق.
ايماقتاعى جاعداي جاپونيا مەن قىتاي اراسىنداعى ديپلوماتيالىق تەكەتىرەستەن كەيىن ءتىپتى ۋشىعا ءتۇستى. قاراشا ايىندا جاپونيا پرەمەر-ءمينيسترى ساناە تاكايچي تايۆانعا شابۋىل جاسالسا, توكيونىڭ ۇجىمدىق قورعانىس قۇقىعىن قولدانۋى مۇمكىن ەكەنىن ايتقان بولاتىن. بەيجىڭ بۇل مالىمدەمەگە قاتاڭ نارازىلىق ءبىلدىرىپ, جاپونياعا ىقتيمال سالدارلار تۋرالى ەسكەرتۋ جاسادى.
