فوتو: istockphoto.com
مەكسيكانىڭ اسكەري-تەڭىز فلوتىنىڭ حابارلاۋىنشا, پويىزدا بارلىعى 250 ادام بولعان. ولاردىڭ ىشىندە توعىزى – ەكيپاج مۇشەلەرى, ال 241-ءى – جولاۋشىلار.
قازىرگى تاڭدا 193 ادامنىڭ جاعدايى قاۋىپسىز دەپ باعالانىپ وتىر. مەكسيكا پرەزيدەنتى كلاۋديا شەينباۋمنىڭ ايتۋىنشا, زارداپ شەككەن بەس ادامنىڭ جاعدايى وتە اۋىر, ولار جانساقتاۋ بولىمىندە جاتىر.
وقيعا ەلدىڭ وڭتۇستىگىندەگى واحاكا شتاتىندا, چيۆەلا مەن نيزاندا قالالارىنىڭ اراسىندا, تىنىق مۇحيتىن مەكسيكا شىعاناعىمەن بايلانىستىراتىن تەمىرجول جەلىسىندە بولعان. الدىن الا مالىمەت بويىنشا, پويىز رەلستەن شىعىپ كەتكەن.
اپاتتىڭ سەبەپتەرىن انىقتاۋ ءۇشىن مەكسيكانىڭ باس پروكۋراتۋراسى رەسمي تەرگەۋ جۇمىستارىن باستادى.
ايتا كەتەيىك, شىلدە ايىنىڭ سوڭىندا گەرمانيانىڭ وڭتۇستىك-باتىسىنداعى بادەن-ۆيۋرتەمبەرگ جەرىندە ايماقتىق جولاۋشىلار پويىزى رەلستەن شىققان بولاتىن. ول كەزدە شامامەن 100 جولاۋشىنىڭ تورتەۋى قازا تاۋىپ, كەمىندە 34 ادام ءتۇرلى جاراقات العان ەدى.
